بڕیارێک لە حکومەتی عێراقەوە لە بەرژەوەندیی کورد

ئاڤا نیوز

ئەنجوومەنی وەزیرانی عێراق لەبارەی تێبینییەکانی هەرێمی کوردستان پەیوەست بە سەرژمێری بڕیاری دا، خەڵک لەسەر بنەمای ناوچە ڕەسەنەکانی خۆیان تۆمار بکرێن نەک شوێنی نیشتەجێبوونیان.

وێنە گەورەكە: سەرژمێریی گشتی لە سەرتاسەری عێراق لە  20 و 21ی ئەم مانگە دەکرێت. هەرێمی كوردستان چەند تێبینییەكی لەبارەی پرۆسەكە هەبوو بەتایبەت لە ناوچە كوردستانییەكانی دەرەوەی ئیدارەی هەرێمی کوردستان.

چیرۆکی سەرەکی: ئەمڕۆ سێشەممە لە کۆبوونەوەی هەفتانەی ئەنجوومەنی وەزیرانی عێراق بەسەرپەرشتیی محەممەد شیاع سوودانی، پرسەکە لە بەرژەوەندیی کورد بڕیاری لەبارەوە درا.
 
لێدوانی فەرمی: فەهمی بورهان، سەرۆکی دەستەی ناوچە کوردستانییەکانی دەرەوەی ئیدارەی هەرێمی کوردستان بە ئاڤا نیوزی گوت: لەسەر بنەمای سەرژمێری ساڵی 1957 سەرژمێری لە کەرکووک  تۆمار دەکرێت و سەبارەت بەو هاووڵاتیانەی لەدوای ئەو ڕێکەوتەوە لە کەرکووک نیشتەجێن، لەسەر پارێزگاکانی خۆیان هەژمار دەکرێن.