ڕووسیا یەکەم شەمەندەفەری کارەبایی کۆنترۆڵکراو دەخاتە بازاڕەوە

ئاڤا نیوز 

کۆمپانیای هێڵی ئاسنی ڕووسیا گەشتی شەمەندەفەرێکی کارەبایی لە مۆسکۆ دەستپێکرد، کە یەکەم شەمەندەفەری لەم جۆرەیە لەم وڵاتەكەدا.

وێنە گەوەرەکە: کۆمپانیای هێڵی ئاسنی ڕووسیا ڕوونیکردەوە شەمەندەفەرەکە ناوی(لەستوشکا)یە، بەشێوەیەکی کۆنترۆڵکراو بەبێ شۆفێر دەڕوات، بەڵام شۆفێرێک لەنێو کابینەکەدایە بۆ ئەوەی ئەگەر پێویست بکات دەستبگرێت بەسەر لێخوڕینی شەمەندەفەرەکەدا، هاوکات دەرگاکانیشی دەکاتەوە و دایدەخات. ئەمەش پێی دەگوترێت ئاستی سێیەمی ئۆتۆماتیکی.

ئەوەی پێویستە بیزانیت: ئەم شەمەندەفەرە بۆ یەکەمجار لە چوارچێوەی پڕۆژەی تاقیکردنەوەکەدا لەسەر هێڵی ئاسنی بازنەیی بەکارهێنرا، بەڵام ئێستا لە چوارچێوەی ڕەوتی گشتی شەمەندەفەرە ئاساییەکاندا کاردەکات.

ئەوەی پێشبینی دەکرێت: ئاستی داهاتووی ئۆتۆماتیکی چوارەم، شەمەندەفەرەکە بەبێ بوونی شۆفێر لەنێو کابینەکەیدا دەڕوات. کۆمپانیاکە ڕایگەیاندووە بەنیازە تا ساڵی 2026 کۆمەڵێک لەم شەمەندەفەرە کۆنترۆڵکراوانە بخاتە بازاڕەوە.