تەمەنی خانەنشینی فەرمانبەرانی عێراق هاوشێوه‌ی هه‌رێمی كوردستانی لێدەکرێت

ئاڤا نیوز

هەمواری یاسای تەمەنی خانەنشینیی یه‌كگرتوو لە عێراق ڕادەستی سەرۆکایەتیی پەرلەمان کرا, داوا ده‌كرێت به‌زووترین كات خوێندنه‌وه‌ی یه‌كه‌می بۆ بكرێت.

 

وێنه‌ گه‌وره‌كه‌: گرنگترین بڕگه‌ی هه‌مواری یاسای تەمەنی خانەنشینیی ئەوەیە، تەمەنی خانەنشینیی گۆڕانکاریی بەسەردادێت، بەجۆرێک تەمەنی خانەنشینی لە 60 ساڵییەوە دەکرێتە 63 ساڵ.

 

زانیاریی به‌ده‌ستهاتوو: ئه‌مرۆ به‌ فه‌رمی هەمواری یاسای خانەنشینیی یەکگرتوو لە عێراق لەلایەن سەرۆکی لیژنەی داراییەوە ڕادەستی سەرۆکایەتیی پەرلەمان کرا, بۆ ئەوەی بخرێتە بەرنامەی کارەوە و خوێندنەوەی یەکەمی بۆ بکرێت.

 

پلانه‌كه‌: ڕێككه‌وتنی پێشوەختە له‌نێو ئه‌ندامانی په‌رله‌مانی عێراق هەیە، تاوەكو دووباره‌ چاو به‌ بڕگه‌ی زیادکردنی ته‌مه‌نی خانه‌نشينيدا بخشێنرێته‌وە و كۆده‌نگییش لەوبارەیەوە هەیە.