باڵیۆزی تورکیا لە بەغدا وەڵامی خانمی یەکەمی عێراق دەداتەوە

ئاڤا نیوز

 

ئانیڵ بۆڕا ئینان، باڵیۆزی تورکیا لە بەغدا وەڵامی شاناز ئیبراهیم ئەحمەد، خانمی یەکەمی عێراق دەداتەوە و تۆمەتەکانی “سووتاندنی گوندەکانی هەرێمی کوردستان" ڕەتدەکاتەوە.

 

وێنە گەورەکە: باڵیۆزی تورکیا ئەو قسانەی خانمی یەکەمی عێراق ڕەتدەکاتەوە کە باس لە سووتاندنی گوندەکانی هەرێمی کوردساتن دەکات بە بیانووی بوونی پەکەکە لەو سنوورە، جەخت لەسەر هاوبەشی کارکردنی ئەنقەرە و بەغدا دەکاتەوە لە بەرەنگار بووەنەوەی "تیرۆر"، بەوەی عێراق پەکەکەی بە "گرووپێکی قەدەغەکراو" ناوبردووە.

 

لێدوانی فەرمی: ئانیڵ بۆڕا ئینان، باڵیۆزی تورکیا لە بەغدا بۆ ئاژانسی ئانادۆڵی تورکی گوتی: ئەو تۆمەتانەی کە باس دەکرێن بە هیچ شێوەیەک ڕەنگدانەوەی ڕاستییەکان نین، ئێمە بە بەکارهێنانی زمانی زبر  وەڵامی تۆمەتە بێبنەماکان نادەینەوە، بەڵکو بە کارکردن لەسەر پڕۆژە کۆنکرێتیەکان پەیوەندیەکانمان قووڵتر دەکەینەوە.

 

ئەوەی پێویستە بیزانیت: شاناز ئیبراهیم ئەحمەد لە "ئێکس" دژی بۆردوومانەکانی تورکیا نووسیویەتی، هێرشەکانی دەوڵەتی تورک بۆ سەر خاکی عێراق بەردەوامە، هەموو ڕۆژێک سەیری دیمەنی ڕاستەوخۆی هێرشەکانی سەربازانی تورکیا دەکەین بۆ سەر گوندەکانی کورد سووتانی زەوییە کشتوکالیەکان دەکەین".