پێشبینی دەکرێت نرخی یەک ئۆنسە زێڕ بۆ سێ هەزار دۆلار بەرزبێتەوە

ئاڤا نیوز

 

شارەزایەکی بواری زێڕ باس لەوە دەکات، لە یەک مانگدا نرخی یەک مسقاڵ زێڕی عەیار 21، 30 هەزار دینار زیادی کردووە.

 

لێدوانی فەرمی: وریا مەلا یاسین، شارەزای بواری زێڕ، بە ئاڤا نیوزی گوت: ئێستا نرخی یەک مسقاڵ زێڕی عەیار 21 لە بازاڕدا 510 هەزار دینارە، نرخی ئۆنسەیەک زێڕ لە بازاڕەکانی جیهاندا دوو هەزار و 400 دۆلارە.

 

زانیاریی زیاتر: نرخی زێڕ وردە وردە بۆ دوو هەزار و 500 دۆلار تاوەکو دوو هەزار 600 دۆلار بەرز دەبێتەوە، پێشبینی دەکرێت تاوەکو ساڵی ئایندە نرخەکە بگاتە سێ هەزار دۆلار. بەگوتەی وریا مەلا یاسین.

 

ئەوەی پێویستە بیزانیت: مانگی ڕابردوو نرخی یەک مسقاڵ زێڕی عەیار 21 بە 480 هەزار دینار بوو، ئێستا نرخەکەی 510 هەزار دینارە، واتە تەنیا لە یەک مانگدا 30 هەزار دینار نرخەکە بەرزبووەتەوە.

 

هۆکارە زانراوەکان: بازرگان و وەبەرهێنەر و وڵاتانی دونیا بەشێوەیەکی گشتیی ڕوویان لە کڕینی زێڕ کردووە، ئەمەش پەیوەندی بەو گۆڕانکارییە ئابوورییانە هەیە کە زێڕ وەک دراوی سەقامگیر دەبینرێت.