سەرۆکوەزیرانی بەریتانیا ڕێگە بە ئۆکرانیا دەدات مووشەکی بەریتانی بەکاربهێنێت

ئاڤا نیوز

بە بڕیاری سەرۆکوەزیرانی بەریتانیا، ‌سوپای ئۆکراینا دەتوانێت مووشەکی دوورمەودا کە لەلایەن بەریتانیاوە دابین کراوە بۆ لێدان لە ئامانجە سەربازییەکانی ڕووسیا لە کاتی شەڕی بەردەوامی نێوانیان بەکاربهێنێت.

 

وێنە گەورەکە: کیر ستارمەر، سەرۆکوەزیرانی بەریتانیا لە کاتی بەڕێکەوتنی بەرەو واشنتن بۆ بەشداریکردن لە کۆبوونەوەی لووتکەی ناتۆ لە یادی 75 ساڵەی دامەزراندنی ناتۆ، بە ڕۆژنامەنووسانی ڕاگەیاند، بەکارهێنانی مووشەکی ستۆرم شادۆ کە بەریتانیا بۆ کیێڤ دابینی کردووە، بە سوپای ئۆکراینا دراوە.

 

لێدوانی فەرمی: ستارمەر گوتی: هاوکارییە سەربازییەکانی بەریتانیا بۆ مەبەستی بەرگرییە، بەڵام ئەوە کاری ئۆکراینایە کە بڕیار بدات چۆن بۆ ئەم مەبەستە بەرگرییانە بەکاری بهێنێت.

 

باکگراوند: بەریتانیا لە دوای هێرشی ڕووسیا لە ئۆکراینا لە شوباتی 2022 لە پاڵ کیێڤ وەستاوە و پارە و چەک و مەشق و ڕاهێنانی بۆ ئەو وڵاتە دابین کردووە.