گرافیکی ئاڤا نیوز
ئاڤا نیوز
دوای ئەوەی ئیسرائیل هەڕەشەی كۆنترۆڵكردنی باشووری لوبنانی كرد، بەهۆی شەڕی حیزبوڵای لوبنانەوە، حووسییەكانی یەمەن كەوتنە هەڕەشە كردن لە ئیسرائیل و گوتیان، دەریای ناوەڕاست و ئیسرائیل دەكەنە ئامانج.
وێنە گەورەکە: گرژییەکانی ڕۆژهەڵاتی ناوەڕاست تا دێت زیاتر دەبن، ئیسرائیل هەڕەشەی هێرشکردنە سەر باشووری لوبنان دەکات، لە کاتێکدا لە حەوتی ئۆکتۆبەری ساڵی ڕابردووەوە لەگەڵ حەماس لە غەززە لە شەڕدایە، حووسییەکانی یەمەنیش هەڕەشەی بە ئامانجگرتنی ئیسرائیل دەکەن.
ئەوەی پێویستە بیزانیت: پێناچێت بزووتنەوەی حوسییەكان لەم كاتەدا گورزی ڕاستەوخۆ ئەنجام بدەن، چونكە هەم مەودای حەیفا و ئیسرائیل لە حووسییەكانەوە دوورە هەمیش چەكی حووسیەكان ئەو توانایەی نییە لە یەمەنەوە بگاتە دەریای ناوەڕاست و بەندەری حەیفا.
درێژەی ڕاپۆرت
لە چەند هەفتەی ڕابردوودا حوسییەكان بانگەشەی ئەوەیانكرد، كاردەكەن لەسەر بە ئامانجگرتنی كەشتییە بازرگانییەكان لە دەریای ناوەڕاست، لەوانەش لە بەندەری سەرەكی حەیفای ئیسرائیل، بەڵام ئیسرائیل تا ئێستا ڕێگری لەو مووشەك و فڕۆكە بێفڕۆكەوانانە كردووە كە لە یەمەن و عێراقەوە هەڵدەدرێن، بەتایبەتی ئەو مووشەكانەی بەرەو شاری ئیلات ئاڕاستەدەكرێن، واتە پێدەچێت چەكی ئاسمانیی حووسییەكان پێش ئەوەی بگەنە ئامانجەكانیان لە دەریای ناوەڕاست لەناوببرێن.
حووسییەكان هیچ چالاكییەكیان لە دەریای ناوەڕاست نەبووە
پڕوپاگەندەی دووبارەی حووسییەكان سەبارەت بە لێدانی كەشتییەكانی نزیك یان لە ئیسرائیل هاوكاتە لەگەڵ هەڕەشەكانی حیزبوڵڵا بۆ بە ئامانجگرتنی بەندەرەكانی ئیسرائیل و ژێرخانی گرنگی دیكە لە ئەگەری ڕوودانی شەڕێكی فراوانتر، بەڵام لە ڕاستیدا پێدەچێت ئەمە هەڵمەتی میدیایی حووسییەكان بێت و بە هەماهەنگی لەگەڵ گروپەكانی دیكە بەڕێوەبچێت كە بە بەشێك لە "میحوەری بەرخۆدان" دادەنرێت، بەتایبەتی لە كاتێكدا ترسی سەرهەڵدانی ململانێیەكی گەورەتر لە نێوان حیزبوڵای لوبنان و ئیسرائیلدا هەیە.
پێشبینیكردنی دەسەڵات لە ڕێگەی زانیاریی هەڵەوە
لە مانگی ئایاری ئەمساڵدا حوسییەكان بانگەشەی ئەوەیان كردبوو، كەشتیەك كە ئاڵای لیبریای لەسەر بوو،لە دەریای ناوەڕاست كراوەتە ئامانج، ئەم كەشتییە پەیوەستە بە كۆمپانیای زۆدیاك ماریتایم كە بنكەكەی لە بەریتانیایە و لەلایەن هاووڵاتییەكی ئیسرائیلەوە خاوەندارییەتی دەكرێت،گوایە حووسیەكان دەستگیریانكردووە، بەڵام بەپێی داتاكانی كەشتیوانی لە هاتوچۆی دەریایی و سەرچاوەكانی دیكەوە، تانكەرەكە لە ڕاستیدا لە 23ی ئایاردا لە میسر بووە و بە شێوەیەكی ئاسایی بەردەوام بووە لە جووڵە.
ئایا حووسییەكان بەندەری حەیفایان كردووەتە ئامانج؟
سەبارەت بە پڕوپاگەندەی حووسییەكان بۆ بە ئامانجگرتنی چوار كەشتی لە بەندەری حەیفا، تا ئێستا لەلایەن سەرچاوە سەربەخۆكانەوە پشتڕاست نەكراوەتەوە و ڕاستی هەواڵەكە دەخرێتە ژێر پرسیارەوە.
حووسییەكان ناوبانگی خۆیان بەكارهێنا
حوسییەكان بە پلەی یەكەم ناوبانگیان بەدەستهێناوە بەهۆی هێرشكردنە سەر كەشتییە بازرگانییەكان لە دەریای سوور و كەنداوی عەدەن و نوقمكردنی چەند كەشتییەك و كوشتن و برینداركردنی دەریاوانەكان و پەكخستنی هاتوچۆی دەریایی جیهانی. ئەوان بەناوبانگ بوون بەهۆی سەركەوتنەكانیان لەم دوو بوارەدا لە مانگی نۆڤەمبەری 2023ەوە.
توانای سەربازی حووسییەكان
حوسییەكان خاوەنی كۆمەڵێك چەكی بەرفراوانن، وەك مووشەكی بالیستیك، مووشەكی كروز و فڕۆكەی بێفڕۆكەوان، كە دەتوانێت مەترسی بۆ ناوچەكە بۆ كەشتیوانی و بۆ بەندەرەكانی دەریای سوور ، بابولمەندەب و كەنداوی عەدەن و دەریای عەرەبی دروستبكات، بەڵام سەرەڕای پڕوپاگەندەی گروپەكە كە فڕۆكە بێفڕۆكەوانە هێرشبەرە یەك ئاراستەییەكانی سەماد-4 و وەید مەودای زیاتر لە دوو هەزار كیلۆمەتریان هەیە، بەڵام بەدووری نازانرێت حوسییەكان فڕۆكەی بێفڕۆكەوانی یەك ئاراستەیان هەبێت كە بتوانن بگاتە ئەو ئاستەی كە هەزار كیلۆمەتر ببڕنە بە پشتبەستن بە زانیارییە بەردەستەكان، پێناچێت بە بەكارهێنانی فڕۆكەی بێفڕۆكەوان و مووشەكی دژە كەشتی، ڕاستەوخۆ لە یەمەنەوە هێرش بكەنە سەر دامەزراوەكانی بەندەری حەیفا یان ئامانجە دەریاییەكان لە ڕۆژهەڵاتی دەریای ناوەڕاست.
لە عێراقەوە كاردەكەن
ڕەنگە حوسییەكان بەردەوام بن لە هەوڵدان بۆ هەڵدانی بەشێك لە مووشەكی بالیستیكی جۆری قەدر كە مەودا دوورترن، كە بەزەحمەت دەتوانن بگەنە ناوچەی حەیفا و ناتوانن هێرش بكەنە سەر ئامانجە جوڵاوەكان. بەڵام دەتوانن قەرەبووی ئەمە بكەنەوە بە هاویشتنی مووشەك لە عێراقەوە بە هاوكاری گروپە چەكدارەكانی عێراق، ئەمەش مەودای پێویست بۆ گەیشتن بە حەیفا بۆ 500 كیلۆمەتر یان كەمتر كەمدەكاتەوە. چاوەڕوان دەكرێت سوپای پاسدارانی ئێران لە ئۆپراسیۆنێكی وەها بۆ پێدانی ئیمتیازات ڕۆڵی هەماهەنگی و لۆجستیكی گەورە بگێڕێت.
بەرگریی ئاسمانی ئیسرائیل
بەرگریی ئاسمانی و مووشەكی ئیسرائیل و وڵاتانی دیكەی ناوچەكە، جگە لە ئەمریكا، سەلماندوویانە كە توانای زۆریان هەیە بۆ ڕێگریكردن لە هەر هەڕەشەیەكی مووشەكی لە دژی ئیسرائیل. لەگەڵ ئەوەشدا هاوكاری هەیە كە بریتییە لە هاوبەشكردنی زانیاریی هەواڵگری لە ڕێگەی بەستەری داتا، ئیمەیڵ ، نامەی كورت و هێڵی گەرمی تەلەفۆن. ئەم تۆڕە بەرگرییە نیمچە هەماهەنگە ڕەنگە ڕووبەڕووی ئاڵنگارییەكی نوێ ببێتەوە ئەگەر حیزبوڵای لوبنان بە هێڵی بینینی بێ بەربەستەوە بچێتە ناو شانۆی ڕۆژهەڵاتی دەریای ناوەڕاست لە چوارچێوەی ململانێیەكی فراوانتر لەگەڵ ئیسرائیل.
پووختە
لەڕاستیدا سەلمێنراوە كە حووسیەكان ئەوەی دەیكەن تەنیا بانگەشە و پڕوپاگەندەیە چونكە بە هیچ شێوەیەك ناتوانن دەستیان بگات بە ئیسرائیل و دەریایی ناوەڕاست، بەڵام ترسەكە ئەوەیە كە تا ئێستاش نازانرێت ئایا حیزبوڵای لوبنان هەمان ئەو چەك و مووشەكانەی هەیە كە حووسییەكان هەیانە یان نا، چونكە ئەمە هاوكێشەكە ئاوەژوو دەكاتەوە.
یەكێكی دیكە لە مەترسییەكانی سەر ئیسرائیل، هەبوونی گرووپە شیعەكانە لە عێراقەوە كە ڕۆڵ دەگێڕن لە پشتیوانی و هاوكاریكردنی حووسییەكان و حەماس و حیزبوڵڵای لوبنان بۆ ڕووبەڕووبونەوەی ئیسرائیل.
زیاتر لەسەر ئەم بابەتانە بکۆڵەرەوە
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- ڕاپۆرت
- 13 کاتژمێر لەمەوپێش
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن