ئەگەری هەیە ئەمساڵ گەشەی ئابووریی عێراق دابەزێت

ئاڤا نیوز

 

شارەزایەکی ئابووری پێشبینی دابەزینی گەشەی ئابووری لە عێراق لە ماوەی ساڵی 2024 دەکات و بە پێویستی دەزانێت گرنگی بە ڕێژەی گەشەی بەرهەمی گشتی نانەوتی بدرێت.

 

وێنە گەورەکە: بانکی نێودەوڵەتی لە ڕاپۆرتێکدا پشتڕاستی کردەوە کە گەشەی ئابووریی عێراق لە ساڵی 2022 گەیشتووەتە 7.6%، بەڵام لە ساڵی 2023 دابەزیوە بۆ 2.9%.

 

لێدوانی فەرمی: نەبیل مەرسوومی، شارەزای ئابووری لە پۆستێکیدا لە فەیسبووک پێشبینی ئەوەی کردووە، "گەشەی ئابووریی عێراق بۆ ساڵی 2024 دابەزێت بۆ 0.3% و لە ساڵی 2025 گەشەکردن بەدەست بهێنێت بگاتە 3.8%، لە 2026ـش بگاتە 5.3%".

 

هۆکارە زانراوەکان: گەشەی ئابووری لە عێراقدا گەشەیەکی خودی یان پلان بۆ داڕێژراو نییە، بەڵکو پەیوەستە بە گۆڕاوە دەرەکییەکانەوە، گرنگترینیان بەرزبوونەوەی خواستی جیهانییە بۆ نەوت و بەرزبوونەوەی نرخی نەوت.

 

چارەسەرەکان: ئەو شارەزا ئابوورییە بە پێویستی دەزانێت، "بانکی نێودەوڵەتی گرنگی بە ڕێژەی گەشەی بەرهەمی گشتیی نانەوتی بدات نەک ئەو گەشە ئابوورییەی کە کاریگەرە بە نەوت.