فێستیڤالەکا تایبەت ب کلتوورێ دهۆكێ دێ ل ئەلمانیا بڕێڤەچیت

ئاڤا دیجیتال

بڕیارە فێستیڤالەکا کلتووری و بەرهەمێن كوردەواری یێن تایبەت ب پارێزگەها دهۆكێ ل ولاتێ ئەلمانیا بڕێڤەبچیت.

بۆچی گرنگە: د ڤێ فێستیڤالێ دا کلتوور و بەرهەمێن کوردەواریێن هەرێما کوردستان و ب تایبەت پارێزگەها دهۆکێ، بۆ ولاتەکێ ئەوروپا دێ هێتە نیشاندان و ئاشناکرن.

داخویانیا فەرمی: خەیری عەلی ئوسۆ، ڕێڤەبەرێ گشتییێ گەشتوگوزارا پارێزگەها دهۆكێ بۆ ئاڤا میدیا ڕاگەهاند: لسەر پێشنیارا كۆمپانیەكا ناڤخۆیی كار دهێتەكرن د کڤانێ بڕێڤەچوونا فێستیڤالەکێ دا بەرهەمێن کوردەواری و کلتوورێ كوردییێ دهۆكێ ل ئەلمانیا بهێتە نیشاندان.

زانیاریێن زێدەتر: دەست ب ئامادەكاریان هاتیە كرن و بەردەوامن، لێ هەتا نوکە دەمێ بڕێڤەچوونا فێستیڤالێ نەهاتیە دیاركرن.

باكگراوند: ل دوو سالێن بووری دوو فێستیڤالێن نێڤدەولەتی یێن گەشتیاری ل پارێزگەها دهۆكێ برێڤەچوونە و هژمارەكا كۆمپانیێن بیانی هاتبوونە داخازکرن و پشكدارببوون، بڕیارە سێیەم فێستیڤالا گەشتیاری ژی ل دوماهیا ڤێ هەیڤێ ل دهۆكێ برێڤەبچیت.