ڕێکارەکانی ناردنی مووچەی پێشمەرگە و هێزە ئەمنییەکان دەستپێدەکات

ئاڤا نیوز 

دەوامی فەرمی لە عێراق دەستپێدەکاتەوە و ڕێکارەکانی ناردنی مووچەی مانگی پێنجی پێشمەرگە و هێزە ئەمنییەکان دەستپێدەکات. 

وێنە گەورەکە: پێشتر حکومەتی عێراق بە بیانووی نەناردنی لیستی ناوەکانیان گرفتی بۆ ناردنی مووچەکانیان دروست دەکرد، بەڵام ئێستا ئەم کێشەیە لە نێوان هەولێر و بەغدا چارەسەر کراوە. 

 

لێدوانی فەرمی:  سەرچاوەیەک لە وەزارەتی دارایی و ئابووریی هەرێمی کوردستان بە ئاڤا نیوزی گوت:  لە ئەمڕۆوە دەست بە ڕێکارەکانی ناردنی مووچەی مانگی 5ـی پێشمەرگە و هێزە ئەمنییەکان دەکرێت و چاوەڕوان دەکرێت ئەم هەفتەیە پارەکە خەرج بکرێت.

باگکراوند: تەنیا ئەم توێژە ماوە مووچەی مانگی پێنج وەربگرن، هەرچەندە پێش جەژن لیستی مووچەیان نێردرا، بەڵام بە بیانووی تەواونەبوونی وردبینی خەرج نەکرا.