بەکارهێنانی سەهۆڵ بۆ دەموچاو نیشانەکانی پیربوون دوادەخات

ئاڤا نیوز

پسپۆران ئاشكرایان كردووە، سەهۆڵ دەتوانرێت وەک بەشێک لە ڕۆتینی ڕۆژانەی پێست بەکاربهێنرێت، سوودی زۆری بۆ پێست هەیە و شێداری دەکات.

وێنە گەورەکە: زۆربەی خانمان بە دەست کێشەکانی پێستەوە دەناڵێنن و پسپۆرانی ئەم بوارەش ڕێگایەکی ئاسان و سەرسورهێنەر دەخەنەڕوو، کە بەکارهێنانی سەهۆڵە لە بەیانیاندا.

ئەوەی پێوستە بیزانیت: بەکارهێنانی سەهۆڵ دەبێتە هۆی کەمکردنەوەی ئاوسان و ئازار، هەروها لە بەیانیادا دەبێتە هۆی نەهێشتنی ئاوسانی ڕووخسار، کەمکردنەوەی شوێنەواری سووتانی خۆر، کەمکردنەوەی چەوری پێست، بەرزکردنەوەی درەوشانەوەی پێست.

زانیاریی زیاتر:بەکارهێنانی سەهۆڵ لەسەر دەموچاو یارمەتی دواخستنی دەرکەوتنی پیربوونی پێشوەختە و چرچبوونی پێست دەدات، چارەسەری زیپکە دەکات و کەم دەکاتەوە.

شێوازی جێبەجێکردن: بە سەهۆڵ مەساج بە دەموچاوت بکە، بە شێوەیەکی بازنەیی بۆ ماوەی یەک بۆ دوو خولەک.