نەتەوە یەکگرتووەکان ئیسرائیل دەخاتە ڕیزی وڵاتانی پێشێلکاری مافی منداڵ

ئاڤا نیوز 

 

نەتەوە یەکگرتووەکان سوپای ئیسرائیلی خستووەتە ناو لیستی ئەو لایەنانەی کە ساڵی ڕابردوو مافی منداڵانیان پێشێل کردووە، بڕیارە هەفتەی داهاتوو لیستەکە پێشکەش بە ئەنجوومەنی ئاسایشی نەتەوە یەکگرتووەکان بکرێت.

 

لێدوانی فەرمی: ئیسرائیل کاتز، وەزیری دەرەوەی ئیسرائیل ڕایگەیاند "ئەمە کاریگەریی لەسەر پەیوەندییەکانی ئیسرائیل و نەتەوە یەکگرتووەکان دەبێت." 

 

بۆچوونی لایەنی بەرامبەر: دەستەڵاتدارێتیی فەلەستینی پێشوازی لە بڕیارەکە کردووە و ڕایگەیاندووە "بەم بڕیارە، لە لێپرسینەوە لە ئیسرائیل لەبەر ئەو تاوانانەی کە ئەنجامیان دەدات، هەنگاوێک نزیک دەبینەوە."

 

زانیاریی زیاتر: نەتەوە یەکگرتووەکان ئیسرائیلی لەبەر کوشتن، برسیکردن، بێبەشکردن لە دەستگەیشتن بە یارمەتییەکان و بە ئامانجگرتنی قوتابخانە و نەخۆشخانەکان خستووەتە لیستی پێشێلکارانی مافی منداڵانەوە. 

 

ژمارەکان وادەڵێن: بەهۆی هێرشی ئیسرائیلەوە بۆ سەر کەرتی غەززە نزیکەی 37 هەزار کەس کوژراون کە زۆربەیان ژن و منداڵن.