گەنجینەی ئەمریكا سزای نوێی بەسەر ئێراندا سەپاند

ئاڤا نیوز

 

بەتۆمەتی هاوکاریکردنی ڕووسیا لە جەنگی ئۆكراینا و گرووپە چەکدارەکان، وەزارەتی گەنجینەی ئەمریکا سزای نوێی بەسەر ئێراندا سەپاند. 

 

وێنە گەورەكە: ئێران هاوكاری سەربازی سووپای ڕووسیا دەكات، لە عێراق، سووریا، لوبنان و یەمەن تۆڕێكی بریكاری چەكداری دامەزراندووە، لەبەر ئەوە وەزارەتی خەزێنەی ئەمریكا سزای دیكەی بەسەر ئێراندا سەپاندووە.

 

ڕاگەیێنراوی فەرمی: وەزارەتی خەزێنەی ئەمەریکا ڕایگەیاند، واشنتن سزا داراییەکان بۆ گۆشەگیرکردنی ئێران و لاوازکردنی توانا داراییەكانی بەردەوامە.

 

ئەوەی پێویستە بیزانیت: لە ماوەی ڕابردوو ئەمریكا كەشتی هیکاتی سزاداوە کە لەلایەن کۆمپانیای ئۆشن لینکی ئەمریکییەوە بەڕێوە دەبردرێت و کاڵای لە ئێرانەوە بەبەهای 100 ملیۆن دۆلار  بۆ چەند وڵاتێكی دیكە گواستووەتەوە.