لوتكەی سێ قۆلی چین و كۆریا و ژاپۆن بەڕێوە دەچێت

ئاڤا نیوز

 

سەرۆکوەزیرانی چین و ژاپۆن بۆ یەکەمین لوتکەی سێ قۆڵی دوای زیاتر لە پێنج ساڵ گەیشتنە سیئۆل.

 

ئەوەی پێویستە بیزانیت: دوای گەیشتنیان بۆ پایتەختی کۆریای باشوور، بڕیارە لی کیانگ، سەرۆکوەزیرانی چین و فومیۆ کیشیدا، سەرۆکوەزیرانی ژاپۆن بە جیا لەگەڵ یۆن سوک یول، سەرۆکی کۆریای باشوور کۆببنەوە.

 

هۆكارە زانراوەكان: سەرەڕای ئەوەی کۆریای باکوور تاقیکردنەوەی چەکی پێشکەوتووتر لە جاران ئەنجام دەدات و چین مانۆڕی سەربازی لە دەوروبەری تایوان ئەنجام دەدات، بەڵام شارەزایان پێشبینی دەکەن لە لوتکەکەدا کێشە ئەمنییەکان پشتگوێ بخرێن و بەدوای خاڵی هاوبەشدا بگەڕێن بۆ بەدەستهێنانی دەستکەوتی دیپلۆماسی.