هێرشەکانی ئیسرائیل 60 کوژراوی دیکەیان لێکەوتەوە

ئاڤا نیوز

 

ئیسرائیل هێرشەکانی بۆ سەر هەردوو بەشی باکوور و باشووری غەززە چڕتر کردوونەتەوە و بەهۆیانەوە تەنیا لە رۆژی ڕابردوو، 60 فەلەستینی کوژراون. 

 

وێنە گەورەکە: هێزەکانی ئیسرائیل چوونەتە ناو ئەو ناوچانەی باکووری کەرتی غەززە کە پێشتر وێران کراون و لە بەشی باشووریش تانکەکان شاری ڕەفەح بۆردوومان دەکەن. بەم هۆیەشەوە ژمارەی کوژراوە فەلەستینییەکان بەرزتر بووەتەوە.

 

زانیاریی زیاتر: ئیسرائیل دەیەوێت ژمارەیەکی زیاتر لە دانیشتووانی ڕەفەح لە شارەکە بچنە دەرەوە تا ئامادەکاریی بکات بۆ چوونە ناوەوەی سەربازەکانی.

 

بۆچی گرنگە: زیاتربوونی هێرشەکانی ئیسرائیل لەکاتێکدایە، کە کۆمەڵگەی نێودەوڵەتی بەردەوامە لە هۆشدارییەکانی سەبارەت بە گەورەتربوونی کارەساتی مرۆیی لە کەرتی غەززە و ئیسرائیلیش پێداگرە لەسەر پلانی خۆی بۆ ئۆپەراسیۆنی ڕەفەح.