هێزە ئەمنییەکانی ئێران ئاسایشی ڕێوڕەسمی بەخاکسپاردنی ڕەئیسی دەپارێزن

ئاڤا نیوز

 

بەبەشداری ملیۆنان هاووڵاتی، ڕێوڕەسمی بەخاكسپاردنی ڕەئیسی لە مەشهەد بەڕێوە دەچێت و دە هەزار کارمەندی هێزە ئەمینییەکان، ئاسایشی ڕێوڕەسمەكە دەپارێزن.

 

وێنە گەورەكە: ملیۆنان كەس لە شەقامی سەرەكیی ئیمام حوسێن بە شوێن كەژاوەی ئۆتۆمبێلی تەرمەكەی سەرۆككۆماری ئێرانەوەن، بۆ پاراستنی ئاسایشی ڕێوڕەسمەكە، سوپای ئێران دە هەزار ئەندامی هێزە ئەمنییەكانی خستوەتە دۆخی ئامادەباشییەوە. 

 

بۆچی گرنگە: چەندین جار تەقینەوە و كردەوەی تووندوتیژی لە کاتی ڕێوڕەسمەکاندا ڕوویداوە و بەهۆیەوە دەیان كەس كوژراون، حكومەتی ئێران بۆ ڕێگری لە دووبارەبوونەوەی ئەو ڕووداوانە هێزە ئەمنییەکانی ئامادە کردووە.

 

ئەوەی پێویستە بیزانیت: هێزە ئەمنییەكان بریتین لە هێزی بەسیج، فەیلەقی قودسی سوپای پاسداران، هێزی پیادە و هێزی ئاسمانیی سوپای پاسداران، بەشی هەواڵگریی سوپا و دەزگای هەواڵگریی نیشتمانیی ئێران.