خەرجی دوو مانگی سێ سەرۆکاییەتییەکەی عێراق نزیکەی دوو تریلیۆن دینارە

ئاڤا نیوز

لە سەرەتای ساڵی 2024 تاوەکو مانگی شووبات، زیاتر لە یەک تریلیۆن و نیو لە بودجەی گشتیی بۆ سێ سەرۆکاییەتیەکەی عێراق خەرج کراوە.

وێنە گەورەکە: لە بودجەی ساڵی  2024 خەرجییەکان زیادیکردووە، بەهۆی زۆری خەرجی بڕی 80 تریلیۆن دینار کورتهێنان لەو بودجەیە هەیە.

لێدوانی فەرمی: د. خەلیل غازی، ئەندامی لیژنەی دارایی لە ئەنجوومەنی نوێنەرانی بە ئاڤا نیوزی گوت: "ئەو بودجەیەی کە خەرج کراوە بە گوێرەی 'ئینجاز'ی هەرسێ سەرۆکایەتییەکە ڕێژەی %10 تێپەڕ ناکات".

زانیاریی زیاتر: ئەو بڕە تەواوی خەرجییەکان دەگرێتەوە، بە مووچەی مووچەخۆرانی دامەزراوەکەشەوە.

ژمارەکان وادەڵێن: لە سەرەتای ساڵ تاوەکو  29-02-2024 خەرجی هەرسێ سەرۆکایەتییەکەی عێراق بەمشێوەیە بووە:-

ئەنجوومەنی وەزیرانی عێراق: یەک تریلیۆن و 415 ملیار و 247 ملیۆن و 967 هەزار و 100 دینار.

سەرۆکایەتی کۆمار: هەشت ملیار و 56 ملیۆن و 961 هەزار 822 دینار.

ئەنجوومەنی نوێنەرانی عێراق: 82 ملیار و 930 ملیۆن و 624 هەزار و 897 دینار.