بەریتانیا: بەهۆی بەرزبوونەوەی پلەی گەرما ساڵانە 10 هەزار کەس گیان لەدەستدەدەن
- هەواڵ
- 31 کانوونی دووەم
ئاڤا دیجیتاڵ
دەزگای ئاسایشی تەندروستیی بەریتانیا ڕاگەیێنراوێکی لەبارەی گۆڕانکارییەکانی کەشوهەوا بڵاوکردەوە و ئاشکرای کرد، ئەگەر بەرزبوونەوەی پلەی گەرمی بەمشێوەیە بەردەوام بێت، ساڵانە نزیکەی 10 هەزار کەس لە بەریتانیا گیان لەدەستدەدەن.
چیرۆکی سەرەکی: ساڵ بە ساڵ پلەکانی گەرمی بەرز دەبنەوە و زەوییگەرمتر دەبێت، زۆرینەی دەزگا ژینگەییەکانی جیهان هۆشیارییان داوە لەوەی پێویستە ڕووبەڕووی ئەم دۆخە ببنەوە. پەرلەمانتاران و دەزگای ئاسایشی تەندروستیی بەریتانیا هۆشداریی دەدەن ئەگەر پلانێکی گونجاو دانەنێن بۆ ڕێگریکردن لە بەرزبوونەوەی پلەی گەرمی، دوور نییە ساڵانە 10 هەزار کەس بەهۆی گەرماوە گیان لەدەستبدەن.
لێدوانی سەرەکی: فیلیپ دان، پەرلەمانتار و سەرۆکی لیژنەی پارتی پارێزگاران، داوای لە حکومەت کرد هەنگاو بۆ چارەسەرکردنی ئەم دۆخە بنێت. نەک لە بەریتانیا بەڵکو لە ئاستی جیهانیدا ساڵی 2023 بە جیاوازییەکی بەرچاو وەک گەرمترین ساڵ تۆمارکرا.
لەلایەکی دیکەوە: بەپێی ڕاپۆرتێکی لیژنەی وردبینی ژینگە لە بەریتانیا، زیادبوون و بەرزبوونەوەی پلەکانی گەرمی، ساڵانە 60 ملیار پاوەند زیان بە ئابووریی وڵاتەکە دەدات.
باکگراوند: بەپێی ئاماری فەرمانگەی ئاماری نیشتمانیی بەریتانیا، لە ساڵی 2022 چوار هەزار و 500 کەس بەهۆی گەرماوە گیانیان لەدەستداوە. پەرلەمانتارانی وڵاتەکەش هۆشدارییان داوە ئەگەر دۆخەکە چارەسەر نەکرێت، تاوەکو ساڵی 2050 دوور نییە ڕێژەی ساڵانەی مردن بە گەرما، بۆ 10 هەزار کەس بەرز ببێتەوە.
ئاڤا دیجیتاڵ
Editor
دوایین هەواڵەکان
- کوردستان
- 49 خولەک لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
- عێراق
- 1 کاتژمێر لەمەوپێش
مەندەلاوی سەرۆکایەتی کۆبوونەوەی لیژنەی ماددەی 140 دەکات
- جیهان
- 1 کاتژمێر لەمەوپێش
سویسرا بە باشترین وڵاتی جیهان دەستنیشان دەکرێت
- تەندروستی
- 1 کاتژمێر لەمەوپێش
جۆرێکی نوێی ڤایرۆسی کۆرۆنا بڵاودەبێتەوە
- کوردستان
- 1 کاتژمێر لەمەوپێش
کێشەی فاکەڵتی پزیشکی زانکۆی کۆیە چارەسەر دەکرێت
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول