بۆ ئاسایشی فێستیڤاڵی فیلمی کان و ئۆڵۆمپیادی پاریس ژیریی دەستکرد بەكاردێت

ئاڤا نیوز

بەرپرسانی ئەمنیی فەڕەنسا بۆ دابینکردنی ئاسایشی 'فێستیڤاڵی فیلمی کان' سوود لە کامێری چاودێریی پشتبەستوو بە ژیریی دەستکرد دەبەستن. ئەمە دەبێتە تاقیکردنەوەیەک بۆ دووبارەکردنەوەی لە کاتی بەڕێوەچوونی ئۆڵۆمپیادی پاریس كە دوو مانگ دواتر بەڕێوەدەچێت.

وێنە گەورەکە: نزیکەی 40 هەزار کەس و ژمارەیەکی بەرچاو لە ئەستێرەکانی سینەمای جیهانی لە فێستیڤاڵی كان ئامادە دەبن. بۆ دابینکردنی ئاسایشی فێستیڤاڵەکە 17 کامێرای چاودێریی زیرەک جێگیر دەکرێن.

پێدراوە ڕاستەکان: کامێراکان توانای ناسینەوەی ڕووداو و ڕفتارە گوماناوییەکانیان هەیە و لە ناسینەوەی کەسانی نادڵنیا و دۆزینەوەی چەک و بابەتی دیکەی قەدەغەکراودا یارمەتیدەر دەبن. 

زانیاریی زیاتر: کان یەکێکە لەو شارانەی فەڕەنسا کە زۆرترین کامێرای چاودێریی تێدایە و ژمارەیان 884 کامێرایە، واتە هەر 84 کەسێک کامێرایەکیان بەردەکەوێت.