بەریتانیا فرۆشتنی جگەرەی ئەلیکترۆنی بۆ خوار تەمەن 18 ساڵ قەدەغە دەکات
- کولتوور
- 29 کانوونی دووەم
ئاڤا دیجیتاڵ
حکومەتی بەریتانیا لە چوارچێوەی چالاکییەکانی بەرەنگاربوونەوەی تووتن و جگەرەی ئەلیکترۆنی، بڕیاریدا جگەرەی ئەلیکترۆنی و جۆرەکانی بە یاسا سنووردار" بکرێت.
چیرۆکی سەرەکی: لە ماوەی سێ ساڵی رابردوودا، ژمارەی بەکارهێنەرانی جگەرەی ئەلیکترۆنی لە نێو منداڵ و نەوجەواناندا بۆ سێ ئەوەندە زیادیکردوو، بەتایبەت نەوجەوانانی تەمەنی نێوان 11-15 ساڵی كە 90٪ یان جگەرەی ئەلیکترۆنی بەکاردەهێنن.
ئەوەی لەبارەیەوە دەگوترێت: لە دوو ساڵدا رێژەی بەکارهێنەرانی جگەرەی ئەلیکترۆنی لە نێو نەوجەوانانی تەمەن 11-17 ساڵ بۆ " نۆ ئەوەندە" بەرزبووەتەوە. بۆیە بڕیاری نوێی بەریتانیا ئەوەیە جگەرەکێشان بۆ خوار تەمەن 18ساڵ قەدەغە دەکرێت. نووسینگەی ژمارە 10 ی سەرۆکوەزیرانی بەریتانیا ئەمە راگەیاندووە.
ئەوەی پێویستە بیزانیت: حکومەتی بەریتانیا بریاریدا، بۆ لەمەوبەدوا پێویستە لە مارکێت و شوێنی فرۆشتنی جگەرەکان، جگەرەی ئەلیکترۆنی لە شوێنێکی شاراوە هەڵبگیرێت و شێوەی دەرەوەی پاکەتی جگەرەکان سەرنجراکێش نەبێت بۆ منداڵان. جگە لەوە هەر بەرهەمێک نیکۆتینی تێدابێت فرۆشتنی بە منداڵ و نەوجەوانان قەدەغەیە.
زانیاریی زیاتر: سزای دوو هەزار و 500 ستێرلینگ ( نزیکەی سێ هەزار دۆلاری ئەمریکی) بەسەر ئەو کەسانەدا دەسەپێندرێت کە ئەو بەرهەمانە بە منداڵان دەفرۆشن، هەروەها بوودجەی 30 ملیۆن ستێرلینگ (33 ملیۆن دۆلاری ئەمریکی) تەرخان دەکرێت بۆ بەرەنگاربوونەوەی قاچاخچێتی و فرۆشتنی جگەرەی ئەلیکترۆنی لەناو وڵاتدا.
هەروەها پاڵپشتی ئەو کەسانە دەکرێت کە دەیانەوێت واز لە جگەرەکێشان بهێنن، باس لەوەش کراوە کە ساڵانە لەنێوان 50 هەزار بۆ 70 هەزار کەس بەم شێوازە واز لە جگەرەکێشان دەهێنن.
لە لایەکی دیکەوە: فڕێدانی جگەرەی ئەلیکترۆنی بۆ ناو زبڵدانەکان دەبێتە هۆی ئاگرکەوتنەوە لە بارهەڵگرەکانی زبڵ و خاشاک یان شوێنەکانی پاشماوە. حکومەتی بەریتانیا وادەڵێت.
باکگراوند: حکومەتی بەریتانیا ساڵی رابردوو کۆمەڵێک ڕێوشوێنی بۆ سنووردارکردنی بەکارهێنانی جگەرە گرتەبەر، لەوانەش دیاریکردنی تەمەنی بەکارهێنەرانی جگەرە هەموو ساڵێک، بۆ ئەوەی ئەو کەسانەی لەدوای ساڵی 2009 لەدایک دەبن، نەتوانن بەدرێژایی تەمەنیان تووتن و بەرهەمە ئەلیکترۆنییەکانی جگەرە بکڕن. ئەو نەوەیە بە تەواوی دووربکەونەوە لە بەکارهێنانی بەرهەمەکانی تووتن و جگەرەی ئەلیکترۆنی.
زیاتر لەسەر ئەم بابەتانە بکۆڵەرەوە
ئاڤا دیجیتاڵ
Editor
دوایین هەواڵەکان
- کوردستان
- 4 کاتژمێر لەمەوپێش
پێنج بەربژێری دیکە لەلایەن کۆمیسیۆن دووردەخرێنەوە
- عێراق
- 4 کاتژمێر لەمەوپێش
دادگای فیدراڵی دەستەی میدیا و پەیوەندییەکانی خستە ژێر دەسەڵاتی پەرلەمان
- بزنس
- 5 کاتژمێر لەمەوپێش
بایۆمەتریی مووچەی مامۆستایانی گرێبەست دەستپێدەكات
- بزنس
- 5 کاتژمێر لەمەوپێش
دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە
هەڵبژاردەکان بۆ تۆ
ڕەسووکە دەچێتە گوندی سرێشمەی باڵەکایەتی
6 کاتژمێر لەمەوپێش
ڕواندز و بیارە پێشبڕکێ بۆ بوون بە خۆشترین گوندی گەشتیاریی جیهان دەکەن
9 کاتژمێر لەمەوپێش
کاتی دابەشکردنی مووچە لە کوردستان و عێراق یەکدەخرێت
10 کاتژمێر لەمەوپێش
نهێنیی تەقینەوەی بێتەلەکانی حیزبوڵڵای لوبنان ئاشکرا دەبێت
17 ئەیلوول
پەیجەر چییە و بۆچی چەكدارانی حیزبوڵڵا بەكاریدەهێنن؟
17 ئەیلوول
- کولتوور
- 6 کاتژمێر لەمەوپێش
بۆ یەکەمجار بەشی میوزیک لە زانکۆی دهۆک دەکرێتەوە
- کولتوور
- 14 ئەیلوول
باشترین فۆتۆگرافەری ساڵ دەستنیشان کرا