پشتیوان سادق: کێشەی مووچە چارەسەر دەبێت

ئاڤا نیوز

 

ئەندامێکی مەکتەبی سیاسیی پارتی ئاماژە بەوە دەدات، بەمزووانە کێشەی مووچەی مووچەخۆرانی هەرێمی کوردستان چارەسەر دەکرێت.

 

وێنە گەورەکە: دوای ڕێککەوتنی نێوان حکومەتی هەرێمی کوردستان و حکومەتی عێراق، فەرمانبەران چاوەڕێی پێدانی مووچەی مانگی چوارن، بەڵام تاوەکو ئێستا بەغدا پارەکەی نەناردووە.

 

لێدوانی فەرمی: پشتیوان سادق، بەرپرسی مەکتەبی ڕێکخستنی پارێزگای هەولێری پارتی ڕایگەیاند: "حکومەتی هەرێمی کوردستان ئەوەی لەسەر شانی بووە بەرامبەر بە حکومەتی عێراق بە زیادەوە کردوویەتی و دەبێت بەگوێرەی دەستوور کێشەکانی نێوان هەولێر و بەغدا چارەسەر بکرێت".

 

ئەوەی پێویستە بیزانیت: هەفتەی داهاتوو شاندێکی تەکنیکی حکومەتی هەرێمی کوردستان سەردانی بەغدا دەکات و لەگەڵ شاندی حکومەتی عێراق لەسەر پرسی مووچە و ڕادەستکردنی داهاتی نانەوتی گفتوگۆ دەکەن.