ئەوروپا تیكتۆک قەدەغە دەکات

 

سەرۆكی كۆمسیۆنی یەكێتیی ئەوروپا دەڵێت، قەدەغەكردنی تیكتۆک لە ئەوروپا ڕەت نەكراوەتەوە و بابەتێكە لەژێر لێكۆڵینەوە و گفتوگۆدایە.

 

وێنە گەورەكە: دوای ئەوەی ئەمریكا پڕۆژە یاسایەكی لەسەر قەدەغەكردنی تیكتۆک پەسەند کرد، یەكێتی ئەوروپاش دەڵێت، دوور نییە لە ئەوروپاش قەدەغە بكرێت و تاوەکو ئێستاش ئەو پرسە لەژێر لێكۆڵینەوە و بەدواداچووندایە.

 

لێدوانی فەرمی: ئۆرسولا ڤۆن دێر لاین، سەرۆکی کۆمیسیۆنی ئەوروپا ڕایگەیاند، یەکێتیی ئەوروپا قەدەغەکردنی تیکتۆکی  ڕەت نەکردووەتەوە.

 

ئەوەی پێویستە بیزانیت: یەكێتیی ئەوروپا پێش هەموو وڵاتانی جیهان تیكتۆكی لە كارمەندانی دامەزراوەكانی حكومەت قەدەغەكرد.

 

باكگراوند: لە ئەوروپا 150 ملیۆن بەكارهێنەری تیکتۆک هەیە.