ئێران: بەرگریی ئاسمانی سێ باڵندەی بچووکی خستە خوارەوە

ئاڤا نیوز

فەرماندەیەکی سەربازیی ئێران ئاشکرای دەکات، بەرەبەیانی ئەمڕۆ دەنگی تەقینەوەیەک لە پارێزگای ئەسفەهان بیستراوە و بەرگریی ئاسمانی چەند شتێکی گوماناوییان لە ئاسمانی پارێزگاکە خستووەتە خوارەوە.

 

چیرۆکی سەرەکی: لە تاران و ئەسفەهان دەنگی چەند تەقینەوەیەک بیستران؛ ئەگەری بەهێز هەیە کە ئیسرائیل هێرشی تۆڵەی بۆ سەر ئێران کردبێت.

 

لێدوانی فەرمی: جەنەراڵ مێهین دۆست، ئەفسەری باڵای سەربازیی سوپا لە پارێزگای ئەسفەهان دەڵێت: "لە ڕۆژهەڵاتی ئەسفەهان دەنگێکی تاڕادەیەک بەرزمان بیست، بەرگریی ئاسمانی تەقەی لە چەند شتێکی گوماناویی کرد بەبێ ئەوەی هیچ زیانی هەبێت".

 

لەلایەکی دیکەوە: حوسێن دەلیریان، گوتەبێژی ناوەندیی نیشتمانیی فەزای ئەلیکترۆنیی ئێران لە ئێکس نووسیویەتی: "هێرشێکی شکستخواردوو لەڕێگەی ژمارەیەک فڕۆکەی چوار پەروانەیی کراوە، بەرگریی ئاسمانیش سێ باڵندەی بچووکی خستووەتە خوارەوە".