كۆنسوڵی بەریتانیا لە هەولێر: پشتیوانی لە كوردستانێكی بەهێز دەكەین

ئاڤا نیوز 

كۆنسوڵی گشتیی بەریتانیا لە هەولێر رایدەگەیێنێت، هەوڵەكانی سەرۆكی حكومەتی هەرێمی كوردستان وایكرد دەرئەنجام ڕێككەوتنێكی گرنگی نێوان هەولێر و بەغدای لێبكەوێتەوە و كێشەكان چارەسەر بكرێن.

وێنە گەورەكە: ڕۆژی 03-04-2024، سەرۆكوەزیران بارزانی ڕایگەیاند: دوای هەوڵ و كۆششێكی زۆر، بە هاوكاریی هەردوو تیمی حكومەتی هەرێمی كوردستان و حكومەتی فیدراڵ، توانرا چارەسەرێكی گونجاو بۆ كێشەی خەرجكردنی مووچەی فەرمانبەران و مووچەخۆرانی هەرێمی كوردستان دابنرێت.

لێدوانی فەرمی: جەیمس گۆڵدمان، كۆنسوڵی گشتیی بەریتانیا لە هەولێر بە كوردستان حەسەن پەیامنێری دیپلۆماسی ئاڤا نیوزی گوت: "پەیوەندی باش و بەهێزی هەولێر و بەغدا بۆ لەندەن زۆر گرنگە، هەر بۆیەش بەریتانیا پشتیوانی لە پەیوەندی باش و بەهێزی ئەوان دەكات، بە دڵنیاییەوە بەریتانیا پشتیوانی لە كوردستانێكی بەهێز دەكات".