وڵاتانی کەنداو هەوڵ دەدەن پێش لە هەڵگیرسانی شەڕێکی سەرتاسەری بگرن

ئاڤا نیوز

دوای هێرشی ئێران بۆ سەر ئیسرائیل، وڵاتانی کەنداو هەوڵدەدەن پێش لە هەڵگیرسانی شەڕێکی سەرتاسەری لە ناوچەکە بگرن و سنوورێک بۆ ئەو مەترسییە دابنێن.

وێنە گەورەکە: سەرۆکی ئەمریکا داوای لە ئیسرائیل کردووە لە وەڵامدانەوەی ئێران  پەلە نەکات، هاوکات لە کۆبوونەوەی ئەنجوومەنی ئاسایش هۆشداری لەبارەی دۆخی ڕۆژهەڵاتی ناوەڕاست درا.

لێدوانی فەرمی: "کەس نایەوێت دۆخەکە پەرەسەندن بەخۆیەوە ببینێت، هەموویان هەوڵی هێورکردنەوە دەدەن. لەوبارەیەوەش هەوڵی بەرفراوانی دیپلۆماسی هەیە". سەرچاوەیەکی نزیک لە فەرمانگە حکومیەکانی کەنداو بۆ کەناڵی (DW)ـی ئەڵمانی.

زانیاریی زیاتر: "گوشارەکان بە تەنها لەسەر ئێران نین، بەڵکو لەسەر ئیسرائیلیشە بۆ ئەوەی وەڵام نەداتەوە. چونکە کاردانەوەی ئیسرائیل بۆ سەر شوێنە گرنگەکانی ئێران کاریگەری لەسەر تەواوی ناوچەکە دەبێت".

لەلایەکی دیکەوە: ئێران هەڕەشەی ئەوەی کردووە ئەگەر ئیسرائیل وەڵامی هێرشەکەی بداتەوە، ئەوا ئەوانیش بەتووندی بەرپەرچی دەدەنەوە.