سەرۆكی میت بۆ سەرۆككۆماری عێراق: جموجۆڵی پەكەكە لە سلێمانی زیادیكردووە
- هەواڵ
- 23 کانوونی دووەم
ئاڤا دیجیتاڵ
ئیبراهیم كاڵن سەرۆكی دەزگای هەواڵگریی توركیا "میت" بەسەرۆكایەتی شاند لە بەغدایە، دوێنێ لەتیف رەشید، سەرۆككۆمار و ئەمڕۆ نووری مالیكی، سەرۆكی هاوپەیمانی دەوڵەتی یاسای بینی، سەرۆكی دەزگای هەواڵگری توركیا بە سەرۆككۆماری عێراقی گوتووە "جموجوڵی پەكەكە لە سلێمانی زیادیكردووە".
وێنە گەورەكە : سەرۆك كۆمار لە دیدارەكەیدا، وەكو ئاماژەیەك بۆ هێرشەكانی توركیا باسی لەو پیشێلكارییانە كردووە كە لە پارێزگای سلێمانی و شارەكانی تر روودەدەن، گوتوویەتی" ئەمە لێكەوتی نەرێنی لەسەر پەیوەندی نێوان هەردوو وڵات دەبێت".
لەلایەكی دیكەوە: بەگوتەی هەندێك لە میدیاكانی توركیا، سەرۆكی میت نیگەرانی خۆی نیشانداوە لە زیادبوونی جموجوڵی پارتی كرێكاران لە سنووری سلێمانی.
سەرۆكی دەزگای هەواڵگری توركیا "میت" ئەمڕۆ لە بەغداد چاوی بە نووری مالیكیی، سەرۆكی هاوپەیمانی دەوڵەتی یاسا كەوتووە، بەپێی ڕاگەیەنراوی نووسینگەكەی مالیكی " لە كۆبوونەوەكەدا باس لە دۆسیە هەڵپەسێردراوەكانی نێوان ئەنقەرە و بەغداد كراوە".
مالیكیی گوتوویەتی " كار لەسەر ئەوە دەكەن پەیوەندییەكانی نێوان هەردوو وڵات پەرەپێبدەن، دەشیانەوێت ڕێز لە سەروەری عێراق بگیرێت و سەبارەت بە سنوورەكان بگەنە ڕێككەوتن، سەرجەم ئەو گروپانەش ڕاوەدوو بنێن كە ئاسایشی ناوچەكەیان تێكداوە".
لە لایەکی دیکەوە: ئیبراهیم كاڵن دووپاتیكردووەتەوە " وڵاتەكەی پشتیوانی ئاسایش و ئارامیی عێراق دەكات و دەیەوێت پەیوەندییەكانی لە بوارەكانی ئاسایش و ئابووری و گواستنەوە پەرەپێبدات".
ئەوەی پێویستە بیزانیت: ئیبراهیم كاڵن لەم سەردانەدا بۆ بەغداد، بە بەرپرسانی عێراقی راگەیاندووە، دواكەوتنی سەردانی رەجەب تەیب ئەردۆغان سەرۆككۆماری توركیا بۆ عێراق بەهۆی جەنگی غەزەوەیە.
باكگراوند: وێڕای ئەوەی تورکیا بەردەوام ناوچە سنوورییەکانی هەرێمی کوردستان بەتۆمەتی هەبوونی بنکە و بارەگای پارتی کرێکارانی کوردستان (پەکەکە) بۆردوومان دەکات، چەندین جار لە قوڵایی خاکی هەرێمی کوردستان بەتایبەت لە سنووری سلێمانی، هێرشی ئاسمانی و درۆنی ئەنجامدان و ئۆتۆمبێل و شوێنی دیاریکراوی بەئامانج گرتوون، هێرشەکانیش کوژرا و برینداریان لێکەوتووەتەوە، لە دیارترین ئەو شوێنانەش فڕۆکەخانەی عەربەت بوو.
سەرەڕای هێرشەکان، بەتۆمەتی "کارئاسانیکردن بۆ گەریلاکانی پەکەکە و رێگرینەکردن لە جموجۆڵەکانیان"، لە سێی نیسانی 2023 تورکیا گەشتەكانی بۆ فڕۆكەخانەی نێودەوڵەتی سلێمانی راگرتوون و تاوەکو ئێستا ئامادەنییە گەشتەکان ئاسایی بکاتەوە، ئەویش بەهۆی ئەوەی بەرپرسانی توركیا دەڵێن "بەرپرسانی پەكەكە لە فڕۆكەخانەی سلێمانییەوە گەشت ئەنجام دەدەن و جموجۆڵەكانی پەكەكەش لە سنوورەكە زیادیان كردووە".
ئاڤا دیجیتاڵ
Editor
دوایین هەواڵەکان
- کوردستان
- 4 خولەک لەمەوپێش
پۆلیسی هەولێر دەستگیركردنی سێ تۆمەتباری ڕاگەیاند
- کوردستان
- 10 خولەک لەمەوپێش
ئێسکەپەیکەری ئاژەڵێکی دەگمەن لە کەرکووک دەدۆزرێتەوە
- ببینە و ببیستە
- 12 خولەک لەمەوپێش
دەبنەواز لەگەڵ ڕێبوار مەلازادە و مەریوان سەراوی
- بزنس
- 26 خولەک لەمەوپێش
بانکی ناوەندیی عێراق فرۆشتنی دۆلاری دەستپێکردەوە
- کوردستان
- 1 کاتژمێر لەمەوپێش
جموجۆڵەکانی چەکدارانی داعش لە سنووری کەرکووک لە زیادبوونە
هەڵبژاردەکان بۆ تۆ
سویسرا بە باشترین وڵاتی جیهان دەستنیشان دەکرێت
1 کاتژمێر لەمەوپێش
گەشتکردن پڕۆسەی پیربوون دوادەخات
10 کاتژمێر لەمەوپێش
بەردێکی دەگمەن بەهاکەی زیاتر لە یەک ملیۆن دۆلارە
15 ئەیلوول
ئەو خواردن و خواردنەوانەی ڕەنگی ددانەکان دەگۆڕن
15 ئەیلوول
یەکێتی فەرمانگە حکومییەکان بۆ بانگەشەی هەڵبژاردن بەکاردەهێنێت
15 ئەیلوول