ڕەفتارێكی سەربازانی ئیسرائیل بەرامبەر ژنانی غەززە كاردانەوەی لێدەكەوێتەوە

 

ئاڤا نیوز

ڕەفتارێكی سەربازانی ئیسرائیل بەرامبەر بە ژنانی غەززە كاردانەوەی جیهانی بەدوای خۆیدا دەهێنێت و بە پێشێلكردنی یاسا نێودەوڵەتییەكان دادەنرێت.

چیرۆكی سەرەكی: وێنە و گرتەی ڤیدیۆیی ژمارەیەک لە سەربازانی ئیسرائیل کە یاری بە جلوبەرگی ژێرەوەی ژنانی غەززە دەکەن لە تۆڕە کۆمەڵایەتییەکان بڵاو بووەتەوە. ئەو ڕەفتارەش كاردانەوەی لێكەوتووەتەوە و بە پێشێلکردنی یاسای نێودەوڵەتیی دادەنرێت.

وێنە گەورەکە: لە دوای هێرشی ئیسرائیل بۆ سەر غەززە، سەربازانی ئیسرائیلی دەچنە ناو ماڵە چۆڵکراوەکان و بە ناو کەلوپەل و کەرەستەکاندا دەگەڕێن؛ ئەوان وێنە و ڤیدیۆی خۆیان لە تۆڕە کۆمەڵایەتییەکان بڵاو دەکەنەوە کە یاری بە جلی ژێرەوەی ژنانی فەڵەستین دەکەن. 

گۆشەیەكی دیكە: لە کاتێکدا سەربازانی ئيسرائیل گاڵتە بە کەلوپەلی تایبەتی دانیشتوانی غەززە دەکەن، لەو کەرتە زیاتر لە 32 هەزار کەس کوژراون و قەیرانێکی گەورەی مرۆیی سەریهەڵداوە.