فوئاد حوسێن: هەولێر و بەغدا لەبارەی هەناردەکردنەوەی نەوت ڕێککەوتوون
- هەواڵ
- 17 کانوونی دووەم
![فوئاد حوسێن، وەزیری دەرەوەی عێراق لە ماڵی کوردستان لە داڤۆس](/_next/image?url=https%3A%2F%2Fassets.ava.news%2Fnews%2F314%2Fo9HyZ3uqreSiY7IdTYUp.png&w=3840&q=100)
ئاڤا دیجیتاڵ
وەزیری دەرەوەی عێراق سەردانی ماڵی کوردستانی لە داڤۆس کرد و لە پانێڵێکدا ڕایگەیاند، ڕەفتارەکانی ئێران قبووڵ ناکەن و ئەمریکا بە دانوستان لە عێراق دەچێتە دەرەوە، لەبارەی دەستپێکردنەوەی هەناردەی نەوتی هەرێمی کوردستان گوتی، ڕێککەوتن لەنێوان حکومەتی هەرێمی کوردستان و حکومەتی عێراقدا کراوە.
چیرۆکە سەرەکییەکە: کۆڕبەندی ئابووریی جیهان لە داڤۆس بەڕێوەدەچێت و لە چوارچێوەی کۆڕبەندەکەدا فوئاد حوسێن، وەزیری دەرەوەی عێراق سەردانی ماڵی کوردستانی کردووە کە لە داڤۆس کراوەتەوە و لە پانێڵێکدا دەڵێت، "چیدیکە ناتوانین ڕەفتارەکانی ئێران قبووڵ بکەین".
لێدوانی فەرمی: ئێران و عێراق پەیوەندییەکی مێژووییان هەیە و دەمانەوێت لەسەر بنەمای بەرژەوەندیی هاوبەش ئەم پەیوەندییانە باشتر و فراوانتر بکەین، دیپلۆماسییەتی ئێمە لەگەڵ تاران ڕوونە، بەڵام بەداخەوە ئێران رێگە و زمانێکی دیکە بەکاردەهێنێت، چیدیکە ناتوانین ڕەفتارەکانی ئێران قەبووڵ بکەین". فوئاد حوسێن ئەمەی گوتووە.
• "هێرشەکانی کرمان کە عێراق سەرکۆنەی کرد، هەندێک لە دامەزراوە و سەرکردەکانی ئێران ناتوانن ئاسایشی خۆیان کۆنترۆڵ بکەن بۆیە هەوڵ دەدەن ئەم کێشەیە لەناو ئێراندا ببەنە دەرەوە".
زانیاریی زیاتر: "ئێمە نامانەوێ کێشە بۆ ئێران دروست بکەین، بەپێچەوانەوە ئەوان کێشە بۆ ئێمە دروست دەکەن، ئێمە دیالۆگ دەکەین ئەوان مووشەکمان ئاراستە دەکەن".
"بەغدا ڕێککەوتنەکەی لەگەڵ تاران جێبەجێ کردووە و ئەوان سوپاسی عێراقیان کرد لەمبارەیەوە، بەڵام بە هێرشکردنەوەی ئەمجارە" ئێران ڕێكکەوتنە ئەمنییەکە و بەڵێنەکانی خۆی و یاسای نێودەوڵەتی و سەروەریی عێراقی پێشێل کردووە".
وەزیری دەرەوەی عێراق وادەڵێت
لەلایەکی دیکەوە: لەبارەی پەیوەندیی ئەمریکا و عێراق فوئاد حوسێن ڕایگەیاند، "ئێمە دەمانەوێت پەیوەندییەکی تەندروستمان لەگەڵ ئەمریکا هەبێت، بەڵام گرژییەکانی نێوان ئەمریکا و ئێران کاردانەوە و لێکەوتەکانی لەسەر عێراق و خاکەکەی بووە.
• "هێزەکانی ئەمریکا و هاوپەیمانان لەسەر داوای فەرمی حکومەت لە عێراقن، ئەمریکا بەڕوونی پێیگوتین ئەگەر ئێمەتان ناوێ بە دانوستان لێرە بەجێدێڵین، لەژێر ئاگر و شەڕدا دانوستان ناکەین، محەممەد شیاع سوودانیش لەگەڵ گرووپە چەکدارەکان کۆبووەتەوە و داوای کردووە هێرشەکانیان ڕابگرن بۆ ئەوەی دەست بە دانوستان بکرێت".
گۆشەیەکی دیکەی دیمەنەکە: پرسی دەستپێکردنەوەی نەوتی هەرێمی کوردستان تەوەرەکی دیکەی پانێڵەکە بوو لە ماڵی کوردستان، وەزیری دەرەوەی عێراق گوتی، "گفتوگۆی چڕ و پڕمان لەگەڵ تورکیا لەبارەی نەوت هەبووە، ئێستا تورکیا بۆرییەکەی کردووەتەوە و ئەو وڵاتە هیچ کێشەیەکی لەمبارەوە نییە، بەڵام لەسەر شێوازی ناردنی نەوتەکە کێشە لەنێوان هەرێمی کوردستان و حکومەتی فیدراڵی هەبوو، ئێستا من دەمەوێ ڕایبگەیێنم، دوو ڕۆژ لەمەوبەر ڕێککەوتن لەمبارەیەوە لەنێوان هەردوو حکومەتی هەرێمی کوردستان و عێراق کراوە".
![ئاڤا دیجیتاڵ](/_next/image?url=https%3A%2F%2Fassets.ava.news%2Fauthors%2F9%2F4CrE5qivtwCkb2ERXvg4DhqDtPBHQlgUUwFDS5Gm.jpg&w=256&q=75)
ئاڤا دیجیتاڵ
Editor
دوایین هەواڵەکان
- بزنس
- 5 کاتژمێر لەمەوپێش
وەزارەتی دارایی عێراق نیازپاکی بۆ چارەسەرکردنی کێشەی مووچە ڕادەگەیێنێت
- ژینگە
- 5 کاتژمێر لەمەوپێش
لە کرماشان سەدان هێکتار زەوی بەهۆی ماددەی هۆشبەرەوە دەسووتێت
- بزنس
- 6 کاتژمێر لەمەوپێش
هەولێر و بەغدا مووچە و بودجە و پرسە هەڵپەسێردراوەکان تاوتوێ دەکەن
- کوردستان
- 6 کاتژمێر لەمەوپێش
ئێران جارێکی دیکە ئاوی زێی بچووک دەگرێتەوە
هەڵبژاردەکان بۆ تۆ
سەركردە دێرینەکانی یەكێتی بەرەیەک لەدژی یەكێتیی نوێ دروست دەكەن
13 کاتژمێر لەمەوپێش
ئاڤا مۆڵەتی مافی مانەوەی بەهزاد خوسرەوی بڵاو دەکاتەوە
18 کاتژمێر لەمەوپێش
ژمارەیەک نووسەر و ڕووناکبیر نیگەرانیی خۆیان لە ڕووداوەکانی سلێمانی دەردەبڕن
19 کاتژمێر لەمەوپێش
تەنێکی نامۆ لە مووسڵ دەکەوێتە خوارەوە
7 ئەیلوول
خراپ بەکارهێنانی زیرەکی دەستکرد 10 تریلیۆن دۆلار زیان بە جیهان دەگەیێنێت
6 ئەیلوول
- هەواڵ
- 17 کاتژمێر لەمەوپێش
جەزائیرییەکان سەرۆکێکی نوێ بۆ وڵاتەکەیان دیاری دەکەن