دۆناڵد ترەمپ: پشکنینی تەندروستیم ئەنجامدا و دڵێکی زۆر باشم هەیە

ئاڤا نیوز

 

دۆناڵد ترەمپ، سەرۆکی ئەمریکا، پشنینی ساڵانەی تەندروستیی ئەنجام دا و دواتر بە ڕۆژنامەنووسانی گوت، "تەندروستییەکی زۆر باش و دڵێکی باشم هەیە."

 

چیرۆکی سەرەکی: پشکنینەکە لە نەخۆشخانەی 'واڵتەر ڕید' کرا و ئەمە یەکەمین پشکنینی تەندروستیی دۆناڵد ترەمپە لە خولی دووەمی سەرۆکایەتییەکەیدا وەک سەرۆکی ئەمریکا. دوای پشکنینەکان ترەمپ بە ڕۆژنامەنووسانی گوت "هەرچی پشکنینێک ئێوە بیرتان بۆی بچێت بۆم کراوە."

لێدوانی فەرمی: دۆناڵد ترەمپ، سەرۆکی ئەمریکا ڕایگەیاند، "پشکنینەکان کاتێکی زۆریان پێچووە، بەلا هەموو شت باش بووە". ئەو گوتیشی "تەندرووستییەکی زۆر باشم هەیە، دڵێکی باش، دەروونێکی باشم هەیە."  

ئەوەی پێویستە بیزانیت: هەر لەم پشکنینانەدا، پشکنینی ئاگایی و هۆشیاری بۆ ترەمپ کراوە و بەگوتەی خۆی وەڵامی "هەموو پرسیارەکانی ڕاست بوون".

 

لەلایەکی دیکە: چاوەڕێ دەکرێت سبەی، یەکشەممە، ڕاپۆرتی ئەنجامی پشکنینەکان بڵاو بکرێتەوە.