تووشبوون بە شێرپەنجە له‌ كوردستان له‌ ستانداردی جیهانی کەمترە

ئاڤا نیوز

وەزیرى تەندروستى دڵنیایی دەدات لەوەی تووشبوون بە شێرپەنجە لە هەرێمی کوردستان هێشتا نەگەیشتووەتە ستانداردی جیهانی.

لێدوانی فه‌رمی: له‌ هه‌ر 100 هەزار کەسێك له‌ هه‌رێمی كوردستان، 150 کەس  تووشبووی  نه‌خۆشی  شێرپەنجەن، ئه‌و ژمارەیەی لە هەرێمی كوردستان تۆماکراوە به‌راورد به‌ ستانداردى جیهانى  كه‌متره‌ . د. سامان بەرزنجى، وەزیری تەندروستی وای به‌ ئاڤا نیوز گوت. 

ئەوەی پێویستە بیزانیت: شێرپەنجە نەخۆشییەکی درێژخایەنە، زیاتر لە 100 جۆری هەیە و زۆربەشیان کوشندەن، ستانداردی جیهانی بۆ نەخۆشییەکە بۆ هەر 100 هەزار کەسێک 190 کەسە.

بۆچی گرنگە: وێڕای ئەوەی چەند نەخۆشخانەیەکی خێرخوازی تایبەت بە شێرپەنجە کراونەتەوە، لە نەخۆشخانە حکومییەکانی هەرێمی کوردستان تووشبووانی شێرپەنجە بێبەرامبەر چارەسەر دەکرێن کە چارەسەرەکەی لە وڵاتانی دەرەوە زۆر گرانە.

باكگراوند: لە ساڵی 2012 ەوە 81 هەزار و 62 تووشبووی شێرپەنجە لە هەرێمی کوردستان تۆمارکراون و تەنیا ساڵی ڕابردوو ژمارەکە  نۆ هەزار و 911 تووشبوو بووە.