سوپای سووریا: ئۆپەراسیۆنی سەربازی لە کەناراوەکانی سووریا کۆتایی هات

ئاڤا نیوز

وەزارەتی بەرگریی سووریا، ئۆپەراسیۆنی سەربازیی لە پارێزگاکانی لازقیە و تەرتووس بە "سەرکەوتویی" کۆتایی پێدەهێنێت و دەڵێت ئۆپەراسیۆنەکە تەواوی ئامانجانەکانی بەدەستهێناوە.

چیرۆکی سەرەکی: لە پێنجشەممەی ڕابردووەوە، هێزێکی ئەمنی هەوڵیاندا کەسێکی داواکراوی پێکهاتەی عەلەوی دەستگیر بکەن لە کەناراوەکانی ڕۆژئاوادا لە پارێزگای لازقیە کە زۆرینەی مەزهەبی عەلەوییەکان تێیدا نیشتەجێن، ئەمەش ناڕەزایەتیی عەلەوییەکانی بەدوای خۆیدا هێنا و دواتر گرژی و پێکدادان ڕووی دا.

ڕاگەیێنراوی فەرمی: حوسێن عەبدولغەنی، وتەبێژی وەزارەتی بەرگریی سووریا ڕایگەیاند:

٠ ئۆپەراسیۆنی سەربازی کۆتایی هاتووە و ئێستا دامەزراوە گشتییەکان دەتوانن دەست بە کارەکانیان بکەنەوە، هاوکات ئۆپەراسیۆنەکە تەواوی ئامانجانەکانی بەدەستهێنا.

٠ هێرشەکانی پاشماوەکانی ڕژێمی ئەسەدی پووچەڵکراون، و توانیمان لە ناوەندە گرنگەکان دووریان بخەینەوە و ئاسایشی زۆربەی ڕێگا سەرەکییەکان و پارێزگاکانی لازقیە و تەرتووسمان گەڕێنراونەتەوە.

٠ پلانی نوێ بۆ درێژەدان بۆ بەرەنگاربوونەوەی پاشماوەکانی ڕژێم و کارکردن بۆ کۆتایی هێنان بە هەر هەڕەشەیەکی داهاتوو داڕێژراون.

ژمارەکان وادەڵێن: بەگوێرەی ڕوانگەی سووریا بۆ مافەکانی مرۆڤ بەهۆی شەڕ و ئاڵۆزییەکانی ئەمدواییانەوە هەزار و 300 چەکدار و  خەڵکی سڤیل کوژراون.