وەزیری دەرەوەی ڕووسیا بۆ تاوتوێکردنی دۆخی سووریا سەردانی ئێران دەکات

ئاڤا نیوز

 

بڕیارە ڕۆژی سێشەممە، سێرگی لاڤرۆڤ، وەزیری دەرەوەی ڕووسیا بۆ تاوتوێکردنی دۆخی سووریا  سەردانی ئێران بکات و لەگەڵ هاوتا ئێرانییەکەی کۆببێتەوە.

 

زانیاریی بەدەستهاتوو: ئاژانسی هەواڵی تەسنیمی ئێرانی بڵاویکردەوە، سێرگی لاڤرۆڤ، وەزیری دەرەوەی ڕووسیا بۆ تاوتوێکردنی پەرەسەندنەکان و گۆڕانکارییەکانی ئەم دواییەی دۆخی سووریا و ناوچەکە سەردانی تاران دەکات.

 

ڕاگەیێنراوی فەرمی: وەزارەتی دەرەوەی ئێران لەسەر هەمان بابەت ڕایگەیاند: وەزیری دەرەوەی ڕووسیا ڕۆژی سێشەممە بە سەردانێکی فەرمی دەگاتە تاران و لەگەڵ هاوتا ئێرانییەکەی و بەرپرسانی دیکەی ئەو وڵاتە کۆدەبێتەوە.

 

ئەوەی پێویستە بیزانیت: تاران و مۆسکۆ هاوپەیمانی سەرەکیی بەشار ئەسەد،  سەرۆکی پێشووی  سووریا بوون و هەردوو وڵات سزای ئابوورییان لەلایەن وڵاتانی ڕۆژئاواوە بەسەردا سەپێنراوە.