بەهۆی بڵاوبوونەوەی نەخۆشییەوە هەرێمی کوردستان هاوردەکردنی ئاژەڵ قەدەغە دەکات

ئاڤا نیوز

 

 بە گوتەی سەرۆکی کۆمەڵەی جووتیارانی عێراق، هەوڵەکان بۆ کۆنترۆڵکردنی ڤایرۆسی تای خوێنبه‌ربوونی گامێش  لەزۆربەی ناوچەکانی عێراق بەردەوامە و نزیکن لە کۆنتڕۆڵی تەواوەتی.

 

چیرۆکی سەرەکی: ماوەی چەند ڕۆژێکە لە چەند پارێزگایەکی جیاوازی عێراق، گامێشەکان ڕووبەڕووی جۆرە ڤایرۆسێک بوونەتەوە کە دەبێتە هۆی منداربوونەوەیان.

 

لەلایەکی دیکەوە: حکومەتی هەرێمی کوردستان بەهۆی بڵاوبوونەوەی ئەو ڤایرۆسە، هاوردەکردنی ئاژەڵی لە ناوەڕاست و خوارووی عێراق قەدەغە کردووە.

 

لێدوانی فەرمی: وەلید گرێتی، سەرۆکی کۆمەڵەی جووتیارانی عێراق ڕایگەیاند: نەخۆشییەکە بە شێوەیەکی سەرەکی لە ناوچەکانی دەورووبەری بەغدا بەتایبەتی لە  فەزیلییە و ئەبوغرێب بڵاوبووەوە و هاوکات زیاتر لە سێ هەزار سەر گامێش بەهۆیەوە مرداربوونەتەوە. 

 

ژمارەکان وادەڵێن: بەگوێرەی ئەو ئامارەی وەزارەتی کشتوکاڵی عێراق بڵاویکردووەتەوە، ڤایرۆسی گامێشەکان کە بە تای دەم و پەلەکانی ئاژەڵ ناسراوە، تەنیا لە پارێزگاکانی بەغدا، بابل، نەجەف، دیوانیە، موسەننا و بەسرە بڵاوبووەتەوە و تاوەکو ئێستاش نزیکەی 17 هەزار حاڵەتی تووشبون بەو نەخۆشییە کوشندەیە لەناو ئەو جۆرە لە ئاژەڵە تۆمارکراوە.