کۆریای باشوور مافی پەنابەری دەداتە سەربازانی کۆریای باکوور

ئاڤا نیوز

کۆریای باشوور مافی پەنابەری پێشکەش بەو سەربازانەی کۆریای باکوور دەکات کە لە شەڕی ئۆکرانیا شەڕ دەکەن.

وێنە گەورەکە: دوابەدوای بڵاوبوونەوەی چاوپێکەوتنێک لەگەڵ سەربازێکی کۆریای باکوور کە لەلایەن هێزەکانی ئۆکراینا لە ناوچەی کۆرسکی ڕۆژهەڵاتی ڕووسیا دەستگیرکرابوو، کۆریای باشوور بڕیاری دا مافی پەنابەری بدات بەو سەربازانەی کۆریای باکوور ئەگەر بیانەوێت بچنە ئەو وڵاتەوە.

ڕاگەیێنراوی فەرمی: بەرپرسێکی وەزارەتی دەرەوەی کۆریای باشوور ڕایگەیاند، سیئۆل ڕەگەزنامە دەداتە سەربازانی کۆریای باکوور ئەگەر بیانەوێت بێنە وڵاتەکەمانەوە هاوکات بەرپرسێکی کۆریای باشوور کە نەیویستووە ناوی بهێنرێت ڕایگەیاند: سەربازانی کۆریای باکوور لە ڕووی یاساییەوە بە هاووڵاتیی ئێمە دادەنرێن.

زانیاری زیاتر: لە چاوپێکەوتنی ئەو سەربازەی کۆریای باکوور کە لە زیندانی تاکەکەسی خۆیەوە لە ناوەندێکی دەستبەسەرکردنی نهێنی ئەنجامدراوە، سەربازەکە باسی شەڕی هێڵی پێشەوەی نێوان ڕووسیا و ئۆکراینای بە "دڕندانە" وەسف کردووە.

باکگراوند: سیئۆل مەزەندەی کردبوو کە کۆریای باکوور تا ئێستا نزیکەی 11 هەزار سەربازی ڕەوانەی ڕووسیا کردووە، ئەمە جگە لە ناردنی مووشەک و تەقەمەنی و چەکی تۆپخانەی دوورمەودا.