سوودانی: دواکەوتنی مووچەی فەرمانبەرانی هەرێمی کوردستان تەکنیکییە

ئاڤا نیوز

سەرۆکوەزیرانى عێراق دڵنیایی دا لەوەی مووچەى فەرمانبەرانی هەرێمی کوردستان بۆ مانگەکانى داهاتووى ئەمساڵ 2025 بەشێوەیەکى ڕێکوپێک خەرج دەکرێت، دوای ئەوەی زۆربەی کێشە تەکنیکییەکان چارەسەرکرا.

لێدوانی فەرمی: لەمیانی چاوپێکەوتنێکی تەلەڤزیۆنی لەگەڵ یەکێک لەمیدیا عێراقییەکان، محەممەد شیاع سوودانی، سەرۆکوەزیرانی عێراق ڕایگەیاند:

- هەموو ئەو خاڵە ناکۆکانەی نێوان هەولێر و بەغدا سەبارەت بەمووچەی فەرمانبەرانی هەرێمی کوردستان تەکنیکییە نەک سیاسی.

- خۆشبەختانە توانراوە تاوەکو ئێستا چەندین خاڵى ناکۆک لەگەڵ هەرێمى کوردستان بەشێوەیەکی بەرچاو و بەکارکردن وەک یەک تیمی هاوبەش تێپەڕێنین.

- بڕیارى دادگاى باڵاى فیدراڵى میکانیزمێکی بۆ جێبەجێکردنى خەرجکردنی مووچەی فەرمانبەرانی هەرێمی کوردستان داناوە و ڕادەستکردنى داهاتی هەرێمیشی دیاری کردووە، بەو ئومێدەى هەرێمی کوردستان ڕەچاوی تێبینییەکانى وەزارەتى دارایی فیدراڵ بکات.