کۆریای باکووری ئاسمانی وڵاتەکەی بەڕووی هاتنی گەشتیاران دەکاتەوە

ئاڤا نیوز 

 

دوای پێنج ساڵ لە بڵاوبوونەوەی ڤایرۆسی کۆرۆنا و داخستنی سنوورەکانی پیۆنگیانگ، کۆمپانیایەکی گەشتیاری بەبۆنەی ئاهەنگگێران بۆ ڕۆژی لەدایکبوونی کیم جۆنگ ئیل، سەرۆکی پێشووی کۆریای باکوور گەشتی ئاسمانی بۆ ئەو وڵاتە ڕێکدەخات. 

 

وێنە گەورەکە: لە ڕۆژی 16ی شووبات کە دەکاتە ڕۆژی لەدایکبوونی کیم جۆنگ ئیل، کە دەکاتە باوکی کیم جۆن ئون، سەرۆکی ئێستای کۆریای باکوور، ئاهەنگی بەرفراوان لەو وڵاتەدا ساز دەکرێت و نمایشی سەربازی جیاواز ڕێکدەخرێت. 

 

ڕاگەیێنراوی فەرمی: کۆمپانیای کۆریا تورز، شاری ڕاسۆن لە کۆریای باکوور کە لەسەر سنووری چینە بەڕووی گەشتیارانی بیانیدا دەکاتەوە، ئەمەش دوای پێنج ساڵ لە داخستنی سنوورەکانی پیۆنگیانگ بەهۆی بڵاوبوونەوەی ڤایرۆسی کۆڤید-19.

 

زانیاریی زیاتر: گەشتەکەی ڕاسۆن، یەکەم گەشت دەبێت بۆ کۆریای باکووری لە دوای داخستنی سنوورەکان لە مانگی یەکی ساڵی 2020ەوە.