پلانێکی ترەمپ بۆ دوورخستنەوەی زێلێنسکی ئاشکرا دەکرێت

ئاڤا نیوز

 

پەرلەمانتارێکی ئۆکرانیا پلانێکی دۆناڵد ترەمپ، سەرۆکی ئەمریکا ئاشکرا دەکات بۆ ئەوەی ڤۆلۆدیمیر زێلێنسکی، سەرۆکی ئۆکراینا لە سەرۆکایەتیی ئەو وڵات دووربخاتەوە.

 

چیڕۆکی سەرەکی: لە 20-5-2024، خولی سەرۆکایەتیی ڤۆلۆدیمێر زێلێنسکی، سەرۆکی ئۆکراینا کۆتایی هات، بەڵام هەڵبژاردنی سەرۆکایەتیی لە وڵاتە ئەنجام نەدرا، بەهۆی هەلومەرجی شەڕ و یاسای سەربازیەوە.

 

ئەوەی لەو بارەیەوە دەگوترێت: ئۆلێکساندر دوبینسکی، پەرلەمانتاری ئۆکرانیا ئاشکرای دەکات، ترەمپ، زێلێنسکی ناچار دەکات هەڵبژاردن ئەنجام بدات، بۆ ئەوەی بەشداری گفتوگۆکانی یەکلاکردنەوەی کێشەی ئۆکرانیا نەکات و لەم ڕێگەیەوە دەیەوێت سەرۆکی ئێستای ئۆکراینا لە پرۆسەی سیاسی دووربخاتەوە.

 

گۆشەیەکی دیکەی دیمەنەکە: ڤلادیمیر پووتین، سەرۆکی ڕووسیا ڕەتیکردەوە کە لەگەڵ زێلێنسکی دانووستاندن سەبارەت بە ڕاگرتنی شەڕی ئۆکراینا بکات و کۆتایی هاتنی خولی سەرۆکایەتییەکەی بە 'نا شەرعی' وەسف کرد.