دەنگ لەسەر هەمواری یاسای بودجە درا

 

 

ئاڤا نیوز

پەرلەمانی عێراق دەربارەی چەند پرۆژە یاسایەک کۆبووەوە، هەمواری یاسای بودجە بە زۆرینەی دەنگ پەسەند کرا.

 

چیرۆکی سەرەکی: ئەمڕۆ یەکشەممە، ئەنجوومەنی نوێنەرانی عێراق بۆ دەنگدان لەسەر هەمواری یاسای بودجەی گشتیی فیدراڵی بۆ ساڵەکانی 2023-2024-2025 کۆبووەوە، کە بڕگەیەکی تایبەت بوو بە پرسی هەناردەکردنەوەی نەوتی هەرێمی کوردستان.

زانیاریی زیاتر: کۆبوونەوەکە بە سەرۆکایەتیی موحسین مەندەلاوی، جێگری یەکەمی سەرۆکی پەرلەمانی عێراق بەڕێوەدەچێت.

ڕسگەیێنراوی فەرمی: بەگوێرەی نووسینگەی ڕاگەیاندنی پەرلەمان، 176 پەرلەمانتار ئامادەی دانیشتنەکەن.

بۆچی گرنگە: بەگوێرەی هەمواری بڕگەی (ج) ماددەی 12 لە یاسای بودجە، تێچووی بەرهەمهێنان و گواستنەوەی نەوتی کوردستان لە 6 دۆلارەوە بۆ 16 دۆلار زیاد دەکرێت، تا لایەنێکى ڕاوێژکاری نێودەوڵەتی نرخێکى خەمڵێندراو دیاری دەکات، دەبێت هەرێمى کوردستان ڕۆژانە 400 هەزار بەرمیل نەوت ڕادەست بکات.

ئەم هەنگاوە دەرگەی لەبەردەم هەناردەکردنەوەی نەوتی هەرێمی کوردستان لەڕێگەی بەندەری جەیهانی تورکیاوە واڵا دەکات و چەندین کێشەی دارایی و ئابووری نێوان هەرێـمی کوردستان  و عێراق چارەسەر دەکات.