فیلمی Emilia Perez پاڵێوراوی 13 خەڵاتی ئۆسکارە

 

ئاڤا نیوز

فیلمێکی ئیسپانی پاڵیوراوە بۆ بەدەستهێنانی زۆرتین خەڵاتی ئۆسکار، لە کاتێکدا هەر لەئەمساڵدا پاڵێوراوی 11 خەڵاتی بافتا بوو، لە سەرەتای ئەم مانگەشدا توانی 4 خەڵاتی گۆڵدن گڵۆب بباتەوە.

 

چیرۆکی سەرەکی: پاڵێوراوانی خەڵاتەکانی ئۆسکار ڕاگەیەنران و یەکێک لەو فیلمانەی کە توانی ژمارەی پێوانەیی بشکێنێت فیلمی ئیسپانیی Emilia Perez بوو کە بۆ 13 خەڵاتی جۆراوجۆری ئۆسکار پاڵێوراوە، لە دیارترینیشیان پاڵێوراوی باشترین فیلم، فیلمی نێودەوڵەتیی، باشترین خانمە ئەکتەری سەرەکی، باشترین خانمە ئەکتەری پاڵپشت و باشترین دەرهێنانی فیلم.

زانیاریی زیاتر: چیرۆکی فیلمەکە دەربارەی (مانیتاس دیل مۆنتی)ـیە، کە بازرگانێکی گەورەی ماددەی هۆشبەرە لە مەکسیک و لە ژیانە تاوانکارییەکەی بێزار بووە، بۆیە ڕەگەزی خۆی دەگۆرێت بۆ ئەوەی ببێتە (ئیمیلیا پێرێز) و کەس نەیناسێتەوە. ئەم گۆڕانکارییە ڕیشەییە نەک هەر ژیانی دەگۆڕێت بەڵکو کاریگەرییەکی قووڵی لەسەر کەسانی دەوروبەریشی دروست دەکات.

ئەمەش بزانە: Emilia Perez فیلمێکی ئیسپانییە و لە ژانری موزیکیی و تاوانکارییە و (جاک ئۆدیار) دەرهێنەری فیلمەکەیە.