بایدن: بەرەوپێشچوونی ڕاستەقینە لە ئاگربەستی غەززە بەدەستهاتووە

ئاڤا نیوز

جۆ بایدن، سەرۆکی ئەمریکا، ڕایگەیاند "بەرەوپێشچوونی ڕاستەقینە" لە گفتوگۆکانی پەیوەست بە ئاگربەستی غەززە و بەردانی بارمتەکان بەدەست هاتوون".

لێدوانی فەرمی: بایدن ڕایگەیاند "ئێمە هەندێک بەرەوپێشچوونی ڕاستەقینە دێنینە ئاراوە، من ئەمڕۆ لەگەڵ دانوستانکارەکاندا کۆبوومەوە."

ئەوەی پێویستە بیزانیت: بایدن لە دوایەمین ڕۆژەکانی ماوەی سەرۆکایەتییەکەیدا دەیەوێت بە نێوەندگیریی ئەمریکا ڕێککەوتنێک لە نێوان ئیسرائیل و حەماسدا بێتە ئاراوە تا بە هۆیەوە کۆتایی بە هێرشەکانی ئیسرائیل بۆ سەر کەرتی غەززە بێت و حەماسیش بارمتە ئیسرائیلییەکان ئازاد بکات.

باکگراوند: لە ئۆکتۆبەری 2023ـەوە ئیسرائیل هێرشەکانی بۆ سەر کەرتی غەززە دەستپێکردووە و لەو کاتەوە نزیکەی 46 هەزار کەسی کوشتووە کە زۆربەیان ژن و منداڵن.