دژەتیرۆری عێراق: لەماوەی ساڵیکدا 70 چەکداری داعشمان كوشتووە

ئاڤا نیوز

 

دەزگای دژە تیرۆری عێراق ڕایدەگەیەنێت لەماوەی ساڵێكدا 344 ئۆپەراسیۆنی ئەنجامداوە، توانیویانە 144 تیرۆرستی داعش دەستگیر بكەن و 70 داعشیش بكوژن.

 

وێنە گەورەكە: ئەمڕۆ پێنجشەممە، دەزگای دژە تیرۆری عێراق ئاماری كار و چالاكییەكانی ساڵی ڕابردوو بڵاوكردەوە و ئاماژەی بەوەكردووە، توانیویانە جموجۆڵەكانی داعش بە ڕاددەیەكی بەرچاو كەمبكەنەوە و بۆ ساڵی نوێش پلانی تۆكمەیان بۆ ڕووبەڕووبوونەوەی تیرۆر هەیە.

 

ڕاگەیێنراوی فەرمی: دەزگای دژە تیرۆری عێراق ڕایگەیاندووە، لە ساڵێكدا 344 ئۆپەراسیۆنی ئەنجامداوە، ژمارەی تیرۆرستە دەستگیركراوەكان گەیشتووەتە 144، هاوكات 70 داعشیان كوشتووە و 310 پەناگەی تیرۆرستانیان لە ناوچە جیاجیاكان خاپوور كردووە.