وەزیرانی دەرەوەی فەڕەنسا و ئەڵمانیا گەیشتنە دیمەشق

ئاڤا نیوز

 

هەر یەکە لە جان نۆیڵ بارۆت، وەزیری دەرەوەی فەڕەنسا و ئانالینا بایربۆک، وەزیری دەرەوەی ئەڵمانیا، بە سەردانێک گەیشتنە دیمەشقی پایتەختی سووریا.

 

وێنە گەورەکە: ئەمڕۆ هەینی 03-01-2024، وەزیرانی دەرەوەی فەڕەنسا و ئەڵمانیا گەیشتنە دیمەشقی پایتەختی سووریا، بڕیارە بە نوێنەرایەتیی یەکیەتیی ئەوروپا لەگەڵ بەرپرسانی سووریا کۆ ببنەوە.

 

ڕاگەیێنراوی فەرمی: وەزارەتی دەرەوەی ئەڵمانیا ڕایگەیاند: مەبەست لە سەردانەکە یارمەتیدانی سووریایە تا بتوانێت وەک دەوڵەت دەست بە کارەکانی بکاتەوە.

 

ئەوەی پێویستە بیزانیت: ئەمە دەبێتە یەکەمین سەردانی شاندێکی وڵاتانی ڕۆژئاوایی لەو ئاستە بەرزە بۆ سووریای نوێ و کۆبوونەوەیان لەگەڵ ئەحمەد شەرع، فەرماندەی بەڕێوەبەرایەتیی سووریا. 

ئەمەش بزانە: دوای ڕووخانی ڕژێمەکەی بەشار ئەسەد و هەڵاتنی ئەسەد بۆ ڕووسیا، وڵاتان پەیوەندییەکانیان لەگەڵ سووریا دەست پێ دەکەنەوە.