فڕۆكە جەنگییەكانی عێراق مەفرەزەیەكی داعش لە تكریت بەئامانج دەگرن

ئاڤا نیوز

 

سەرچاوەیەكی ئەمنی ڕایدەگەیەنێت، فڕۆكە جەنگییەكانی عێراق مەفرەزەیەكی چەكدارانی داعشیان لە نزیك شاری تكریت بەئامانج گرتووە و ژمارەیەك داعش كوژراون.

 

وێنە گەورەكە: بەمەبەستی لەناوبردنی شانە نووستووەكانی پاشماوەكانی داعش، هێزە ئەمنییەكانی عێراق بەردەوامن لە دۆزینەوە و ڕاوەدوونانی ئەو چەكدارانە و بەردەوام ئۆپەراسیۆنی سەربازیی زەمینی و ئاسمانی ئەنجام دەدەن.

 

ڕاگەیێنراوی فەرمی: سەرچاوەیەكی ئەمنی لە پارێزگای سەڵاحەددین لە ڕاگەیێنراوێكدا ئەوەی خستووەتەڕوو، فڕۆكەكانی سەر بە هێزی ئاسمانیی عێراق بەهەماهەنگی لەگەڵ هەواڵگریی سەربازی، ئۆپەراسیۆنێكی ئاسمانییان لە پارێزگای سەڵاحەددین ئەنجامداوە و مەفرەزەیەكی چەكدارانی داعشیان لە ناوچەی زەركە لە بەشی ڕۆژهەڵاتی شاری تكریت بەئامانج گرتووە.

 

ئەو سەرچاوە ئەمنییە زانیاریی زیاتری نەخستووەتەڕوو، بەڵام بەگوێرەی میدیا عێراقییەكان بەهۆی ئەو بۆردوومانەوە سێ چەكداری داعش كوژراون.