سوپای پاسداران: ئێران دوای نەمانی دەسەڵاتی ئەسەد بێ هێز نابێت

ئاڤا نیوز

 

فەرماندەی گشتیی سوپای پاسداران دەڵێت، لە ڕووخانی ئیسرائیل بەردەوام دەبین، وڵاتەکەمان دوای نەمای دەسەڵاتی بەشار ئەسەد بێ هێز نابێت.

 

وێنە گەورەکە: دوای زیاتر لە هەفتەیەک شەڕ و ڕووبەڕووبوونەوەی نێوان سوپا سووریا و هێزەکانی ئۆپۆزیسیۆن دواجار دەسەڵاتی بەشەر ئەسەد کۆتایی پێهێنرا، ئێران و ڕووسیاش بە دوو وڵاتی هاوپەیمانی دەسەڵاتەکەی ئەسەد هەژمار کراون.

 

لێدوانی فەرمی: حوسێن سەلامی، فەرماندەی گشتیی سوپای پاسداران لە کۆبوونەوەیدا لەگەڵ پەرلەمانتارانی وڵاتەکەی ڕایگەیاند، بێ هێز نابین و هێزی ئێرانیش کەم ناکات بە نەمانی ئەسەد. هاوکات ئێستا هیچ سەربازێکمان لە سووریا نەماوە، ئێمەش لە ڕووخاندنی ئیسرائیل بەردەوام دەبین. 

 

لەلایەکی دیکەوە: فاتیمە مەهاجەرانی، وتەبێژی وەزارەتی دەرەوەی ئێران دەڵێت، داواکارین حکومەتی داهاتووی سووریا هەموو پێکهاتەکانی سووریای تێدا بێت.