دوو کەس لە سلێمانی بەتۆمەتی بازرگانیکردن بە مرۆڤ دەستگیرکران

ئاڤا نیوز

دەزگای ئاسایشی هەرێمی کوردستان ڕایگەیاند، دوو کەسیان بەتۆمەتی بازرگانیکردن بە مرۆڤەوە دەستگیرکردووە کە هەوڵیانداوە حەوت کەسی بیانی بە نایاسایی بگوازنەوە.

چیرۆکی سەرەکی: بەڕێوەبەرایەتی ئاسایشی بازگەکان بە هەماهەنگی لەگەڵ بەڕێوەبەرایەتی ئاسایشی ڕۆژئاوای سلێمانی حەوت کەسی بیانیان دەستگیرکردووە کە بە نایاسایی لەنێو ئۆتۆمبێلێکدا شاردرابووەنەوە و هەوڵیان داوە لەڕێی دوو قاچاخچییەوە سنوور ببەزێنن.

ئەوەی پێویستە بیزانیت: لەدوای لێکۆڵینەوە لە ڕووداوەکە دەرکەوتووە دوو کەس کارئاسانییان بۆ ئەو حەوت کەسە کردووە و هێزەکانی ئاسایش توانیویانە لە ڕۆژی دووشەممە 19-02-2024 هەردووکیان دەستگیر بکەن.

زانیاری زیاتر: هەردوو تۆمەتبارەکە ئۆتۆمبێلێکی تۆیۆتا لە جۆری(هایلۆکس)یان بەکارهێناوە، کە بێ سەرەتا بووە و تابلۆی سەربازیی ساختەی پێوە کراوە، بۆ گواستنەوەی حەوت کەسە بیانییەکە.

ئەمەش بزانە: هێزەکانی ئاسایش لەکاتی دەستگیرکردنی دوو تۆمەتبارەکە، دەستیان گرتووە بەسەر چەکێکی بێ مۆڵەت و سەرجەم پاسپۆرتەکانی حەوت تۆمەتبارەکەی دیکە کە بە نایاسایی سنووریان بەزاندبوو.