ئێران وتووێژەکانی لەگەڵ عێراق بە زۆر کاریگەر ناودەبات

ئاڤا نیوز 

 

وەزارەتی دەرەوەی ئێران وتووێژەکانی نێوان عەباس عێراقچی وەزیری دەرەوەی ئێران و بەرپرسانی باڵای عێراقی لە بەغدا لەسەر بارودۆخی هەستیاری ئەمنی ناوچەکە بە زۆر کاریگەر ناودەبات.

 

چیرۆکی سەرەکی: ڕۆژی 13-10-2024، لە چوارچێوەی سەردانەکانی بۆ وڵاتانی ناوچەکە بە مەبەستی کەمکردنەوەی گرژییەکان، عەباس عێراقچی، وەزیری دەرەوەی ئێران سەردانی بەغدای کرد و لەگەڵ بەرپرسانی باڵای ئەو وڵاتە کۆبووەوە.

 

بڵاوکراوەی فەرمی: ئیسماعیل بەقائی، گوتەبێژی وەزارەتی دەرەوەی ئێران لە لاپەڕەی ئێکسی خۆی نووسیویەتی "ئێوارەی ئەمڕۆ وەزیری دەرەوە دکتۆر عێراقچی گفتوگۆیەکی زۆر کاریگەری لەگەڵ بەرپرسانی باڵای عێراق کرد سەبارەت بە بارودۆخی هەستیاری ئەمنی ناوچەکە".

 

بابەتە سراتیژییەکان: بە گوتەی بەقائی: ئێران و عێراق سوورن لەسەر بەهێزکردنی هەوڵە هاوبەشەکان بە هەماهەنگی لەگەڵ وڵاتانی دیکەی ناوچەکە و لایەنە پەیوەندیدارەکانی دیکە بۆ پاراستنی ئاشتی و سەقامگیری و ئاسایش لە ناوچەکەدا.