تەندروستی هەولێر هەڵمەتێکی هۆشیارکردنەوەی دەستپێکرد

ئاڤا نیوز

 

بەسەرپەرشتی وەزارەتی تەندروستی حکومەتی هەرێمی کوردستان، بەڕێوەبەرایەتی گشتی تەندروستی هەولێر، هەڵمەتێکی هۆشیارکردنەوەی هاووڵاتیانی لە بارەی ستیکەری دەرمان دەستپێکرد.

 

وێنە گەورەکە: بەڕێوەبەرایەتی گشتی تەندورستی هەولێر، ئەمڕۆ یەکشەممە لە سنووری شاری هەولێر و خەبات و دەشتی هەولێر و شقڵاوەو هەریر و مەخموور لەڕێگەی هەشت تیمەوە هەڵمەتێکی هۆشیارکردنەوەی لەبارەی چۆنیەتی مامەڵەکردن لەکاتی کڕینی دەرمان لە دەرمانخانە و نۆرینگەکان دەستپێکرد و بۆ ماوەی 10 ڕۆژ بەردەوام دەبێت.

 

 

ڕاگەیێنراوی فەرمی: بەڕێوەبەرایەتی گشتی تەندورستی هەولێر ڕایگەیاند: بۆ بەرچاوڕوونی هاووڵاتیان و جێبەجێکردنی ڕێنماییەکان لە کاتی کڕینی دەرمان، هەڵمەتێکی هۆشیارکردنەوەمان لە بارەی ستیکەری دەرمان ڕاگەیاندووە کە هاووڵاتیان دەپارێزێت لە دەرمانی ساختە و جیاکردنەوەی لە دەرمانی کوالێتی.

 

زانیاریی زیاتر: هەڵمەتی هۆشیارکردنەوەکە لە ڕووی نرخ و دڵنیایی لە دەرمانەکان سوودی بۆ هاووڵاتیان دەبێت.

 

باکگراوند: دامەزراوەی کۆنتڕۆڵ و دەرمانی هەرێم، پێش هەفتەیەک  دوو دەرمانی بە ناوەکانی (HONORTONIN drops) و (melatonin drops) لە بازاڕەکانی هەرێمی کوردستان بە تەواوی قەدەغەکرد، بەهۆی ئەوەی لە پشکنینەکانی وەزارەتی تەندروستی دەرنەچوون.