کۆمسیۆن: لە 10 ڕۆژی کۆتایی مانگی حوزەیران دەتوانین هەڵبژاردنی هەرێمی کوردستان بەڕێوەببەین

ئاڤا نیوز

 

کۆمسیۆنی سەربەخۆی هەڵبژاردنەکانی عێراق، ئامادەیی خۆی بۆ بەڕێوەبردنی هەڵبژاردنی پەرلەمانی کوردستان نیشان دەدات و دەڵێت، لە 10 ڕۆژی کۆتایی مانگی حوزەیران دەتوانین هەڵبژاردنی هەرێمی کوردستان بەڕێوەببەین. 

 

زانیاریی تایبەت: شاندی کۆمسیۆنی باڵای سەربەخۆی هەڵبژاردنەکانی عێراق لە کۆبوونەوەیاندا لەگەڵ سەرۆکایەتی و حکومەتی هەرێمی کوردستان ڕایانگەیاندووە، دوای 4 مانگ لە بڕیاردانی دەتوانن هەڵبژاردن بکەن، بەمەش وادەکە دەکەوێتە 10 ڕۆژی کۆتایی مانگی حوزەیران، واتە لە 20-06-2024 تاوەکو 01-07-2024 هەڵبژاردن دەکرێت، چونکە کۆمیسیۆنی عێراق لە 07-07-2024 کۆتایی دێت، بۆیە پێویستە پێش ئەو وادەیە هەڵبژاردن بکرێت. 

 

لەلایەکی دیکەوە: سبەی چوارشەممە دادگەی فیدراڵیی عێراق دادبینی بۆ سکاڵایەکی تایبەت بە یاسای هەڵبژاردنی پەرلەمانی کوردستان دەکات، بەپێی زانیارییەکانی ئاڤا نیوز، سبەی دۆسیەکە یەکلادەکاتەوە و بڕیاری چەند گۆڕانکارییەکی گەورەش دەدرێت.