هەڵوێستی ترەمپ بەرامبەر کۆچبەران تووندتر دەبێت

ئاڤا نیوز

 

دۆناڵد ترەمپ، بەربژێری کۆمارییەکان بۆ سەرۆکایەتیی ئەمریکا، لێدوانەکانی دژی کۆچبەرە نایاساییەکان تووندتر دەکات.

 

وێنە گەورەکە: بەڵێنی کامالا هاریس، بەربژێری دیموکراتەکان بۆ کۆچبەران بەوەی کارئاسانی زیاتریان بۆ دەکات بۆ پەڕینەوەیان لە سنوورەکان و داواکارییەکانیان جێبەجێ دەکات، کاردانەوەی ترەمپی لێکەوتەوە.

 

لێدوانی فەرمی: دۆناڵد ترەمپ لە دوایین چاوپێکەوتنی ڕۆژنامەوانیدا ڕایگەیاند: کۆچبەرانی نایاسایی دەیانەوێت هێرش بکەنە سەر هاووڵاتیانی ئەمریکی لە ماڵەکانیاندا، هاوکات کامالا هاریسی بە "دەروون نەخۆش" ناوبرد.

 

زانیاریی زیاتر: کێشەی کۆچبەران خاڵی ناکۆکی نێوان دیموکرات و کۆمارییەکانە لە بانگەشی هەڵبژاردنی ئەمریکا، هاریس پشتیوانی لە کۆچبەران دەکات و ترەمپ دژی کۆچبەرە نایاساییەکانە.

 

ئەوەش بزانە: ڕۆژی 5-11-2024 هەڵبژاردنی سەرۆکایەتیی ئەمریکا دەکرێت. کامالا هاریس، بەربژێری دیموکراتەکان ڕووبەڕووی دۆناڵد ترەمپ، بەربژێری کۆمارییەکان دەبێتەوە و یەکێکیان دەبێتە 47ـەمین سەرۆکی ئەمریکا.