دەنگۆی هاوردەكردنی تەماتە بەنهێنی بۆ هەرێمی كوردستان ڕەتدەكرێتەوە

ئاڤا نیوز

 

كۆمەڵگەی دەروازەی نێودەوڵەتیی پەروێزخان ڕەتی دەكاتەوە لە دەروازەكە ڕێگە بە هاوردەكردنی تەماتە درابێت.

وێنە گەورەكە: بە بڕیاری وەزارەتی كشتووكاڵ و سەرچاوەكانی ئاوی  هەرێمی كوردستان، ساڵانە لەگەڵ پێگەیشتنی هەر بەرهەمێكی كشتووكاڵ هاوردەكردنی قەدەغە دەكرێت، ئەمەش بۆ ئەوەی جووتیارانی ناوخۆ زیان نەكەن و بەرهەمەكانیان ساغبێتەوە، ئەمساڵ لەسەر داواكاریی وەزارەتی كشتوكاڵ، هاوردەكردنی تەماتە لە دەروازە سنوورییەكانی عێراقیش قەدەغە كرا.

 

ڕاگەیێنراوی فەرمی: لەبەرامبەر بڵاوبوونەوەی دەنگۆیەك، كۆمەڵگەی دەروازەی نێودەوڵەتیی پەروێزخان ڕایگەیاند: بەهەموو لایەکی ڕادەگەیەنین بەهیچ جۆرێک لە دەروازەکەمانەوە باری تەماتە نەهاتووەتە نێو هەرێمی کوردستان. دەروازەكە جەختیش دەکاتەوە بە هەموو شێوەیەک پابەندە بە ڕێنماییەکانی وەزارەتی کشتووکاڵ.